Зәбур
96 Йәһва Худаға йеңи нахша ейтиңлар.
Йәһваға, пүткүл йәр-җаһан, саз чал!
2 Йәһваниң исмини мәдһийиләп, нахша Ейтиңлар,
Күндин-күнгә Униң қутқузуши
Һәққидә хуш хәвәр җакалаңлар!
3 Хәлиқләр арисида Униң шөһритини һәм барлиқ
Қәбилиләр ичидә Униң
Әҗайип ишлирини сөзләңлар.
4 Чүнки Йәһва алийҗанап вә зор махташқа лайиқ,
У қалған барчә илаһлардин һәйвәтликтур.
5 Сәвәви, хәлиқләр худалири һечнемидур,
Йәһва болса, асманларниң Бәрпакари.
6 Уни улуқварлиқ билән шөһрәт қоршайду,
Униң муқәддәс җайида күч-қудрәт билән
Гөзәллик яшайду.
7 Халайиқниң пүтүнләй қәбилилири Йәһваға
Шан-шәрәп көрситиңлар,
Йәһваға һөрмәт-еһтирам лайиқтур.
8 Йәһвани, Униң улуқ исмиға несип
Қәдир-қиммәтләңлар. Униңға һәдийәләрни
Тәғдим қилип, һойлилириға кириңлар.
9 Йәһва Худаға муқәддәс кийимдә тазим
Қилиңлар. Алдида йәр-зимин титрисун!
10 Хәлиқләргә: «Йәһва Падиша болди!
Пүткүл каинат мәккәм орнитилди вә
Һәргиз тәврәнмәйду. У Өзи хәлиқләрни
Адил сотлайду!»— дәп елан қилиңлар.
11 Асманлар хошал болсун һәм йәр шатлансун,
Деңиз долқунлап,
Униң мәвҗудати һәрикәтләнсун.
12 Дала силкинип, мәвҗудатлири сәкрисун,
Орман дәрәқлири Йәһва алдида үндисун.
13 Чүнки мана, У келиватиду, адәмзатни Һәққаний
Сотлашқа маңди. У адаләтлик билән каинатқа
Һөкүм чиқириду вә хәлиқ үчүн
Һәқиқәтчи-Сотчи болиду!