Йоһанниң 1-хети
5 Әйсаниң Мәсиһ екәнлигигә ишинидиған һәрқандақ адәм — Худаниң пәрзәнди. Һаят Бәргүчини сөйүдиған киши Униң оғуллириниму сөйиду. 2 Әгәр биз Худани сөйсәк вә Униң вәсийәтлирини орунлисақ, у чағда Униң балилирини сөйгәнлигимизни билимиз. 3 Худаға болған меһир-муһәббәт Униң вәсийәтлирини орунлаштур вә Униң вәсийәтлири еғир әмәс. 4 Пәрвәрдигарниң пәрзәнтлириниң һәммиси дунияни йеңиватиду. Мана, дунияни ғалибә қилған нәрсә — у бизниң етиқатимиздур.
5 Әйса Худаниң Оғли екәнлигигә ишәнгән кишидин башқа ким дунияни ғалибә қилған? 6 Әйса Мәсиһ су вә қан васитиси арқилиқ кәлди. Пәқәт су биләнла әмәс, бәлки су һәм қан билән кәлди. Муқәддәс роһ буниң гувачиси, сәвәви роһ — бу һәқиқәттур. 7 Демәк, үч гувачи бар:* 8 роһ, су һәм қан вә үчи бир-бири билән уйғунлуқта гувалиқ бәрмәктә.
9 Худаниң гувалиғи биз қобул қилидиған инсанларниң гувалиғидин муһимирақ, чүнки бу гувалиқ Тәңридин. У Өзи Оғли һәққидә гувалиқ бәрмәктә. 10 Ким Худаниң Оғлиға ишәнсә, шу өзи Рәббтин гувалиқ алди. Ким Худаға ишәнмисә, шу киши Уни ялғанчи қилиду, сәвәви, Өз Оғли тоғрилиқ гувалиқ бәргән Атиға ишәнмиди. 11 Бу гувалиқ шуниңдин ибарәт: Худа бизгә мәңгүлүк һаятни бәрди һәм бу һаят Униң Оғлида. 12 Оғлини қобул қилған кишиниң шу әбәдий һаятқа үмүти бар, Худа Оғлини қобул қилмиған киши шу һаяттин мәһрум болмақта.
13 Силәрниң билишиңлар үчүн, мән буни силәргә йезиватимән: силәр — Худа Оғлиниң исмиға ишәнгәнләр мәңгүлүк һаятқа егә. 14 Пәрвәрдигарға мураҗиәт қилғанда, шуниңға ишинимизки: Униң ирадисигә мувапиқ неминила сорисақ, У бизни тиңшайду. 15 Униң бизни тиңшайдиғинини билсәк, неминила сорисақ, сориғанлиримизни елишимизни билимиз, чүнки биз Униңдин соридуқ.
16 Әгәр кимду-ким өз қериндишиниң өлүмгә апармайдиған гунасини көрсә, у униң үчүн дуа қилсун һәм Худа униңға һаятлиқ бериду. Бу йәрдә өлүмгә апармайдиған гуна қилғанлар тоғрилиқ ейтиватимән. Бирақ өлүмгә апиридиған гунаму бар. Мән мундақ гуна үчүн дуа қилиш һәққидә ейтмайватимән. 17 Һәрқандақ һәққанийсизлиқ — гунадур, амма өлүмгә апармайдиған гуна бар.
18 Худадин туғулған* һәрқандақ киши гуна қилмайдиғанлиғини билимиз, лекин Худа Оғли уни қоғдайду вә Явуз униңға тегәлмәйду. 19 Биз Худадин екәнлигимизни билимиз, амма пүткүл дуния Шәйтанниң һөкүми астида болмақта. 20 Һәм биз Худа Оғлиниң келип, бизниң һәқиқий Худани тонуп-йетишимиз үчүн, бизгә әқил бәргинини билимиз. Биз Униң Оғли Әйса Мәсиһ арқилиқ һәқиқий Пәрвәрдигар билән бирликтә. У — һәқ Худа вә мәңгүлүк һаятлиқниң Мәнбәсидур. 21 Сөйүмлүк балилирим, өзәңларни бутлардин сақлаңлар.