Зәбур
Хор башчисиға. Давутниң күйи.
31 Аһ, Йәһва, Саңа тайинимән. Уятта мени
Қалдурмиғин, Өзәңниң һәққанийлиғиң
Түпәйли мени қутулдурғина.
2 Қулақ салғина, қутқузуш үчүн алдирғина!
Мән үчүн таш қорған һәм мән қечип
Кетидиған мәккәм таш қаша болғина.
3 Сән — Теғим һәм Қиятешим, исмиң шәрипигә
Мени башқуруп, йөнилиш билән нишан бәргин.
4 Маңа йошурун қоюлған тордин чиқиривалғина,
Чүнки Сән — мениң мәзмут Қорғинимдур.
5 Қолуңға роһумни тапшурдим. Сән мени,
Йәһва — һәқиқәтниң Рәбби, қутулдурисән.
6 Чирик бутларни издигүчиләрдин нәпрәтлинимән,
Өзәм болсам, пәқәт бир Йәһваға ишинимән.
7 Мениң дәрдимгә көз селип, дилим қайғусини
Билгиниңгә, вапа сөйгүңниң һисдашлиғиға
Шатлинип, хурсән болумән.
8 Мени дүшминимгә бәрмәй,
Аяқлиримни кәң йәргә қойдуң.
9 Оһ, Йәһва, рәһимлик қилғайсән, чүнки
Қистаңлиқта мән қалдим. Һәсрәт чекип,
Көзүм, җеним һәм қөңлүм шеқиримақта.
10 Хапичилиқта қувитим начарлап, күнлирим
Товлашта өтмәктә. Азаплиримдин күчүм
Аҗизлашти, сүйәклирим қудритини йоқатти.
11 Көплигән дүшмәнләр көзидә күлкигә айландим,
Тонушлирим үчүн дәһшәт болдум. Кочида
Көрүп қалса, улар мениңдин қачиду.
12 Мән өлгән адәмдәк унтулдум, йеқинлар
Қәлбидә хатирәм йоқ. Мән чеқилған қачидәк.
13 Нурғун һақарәтләр аңлаватимән, һәммә тәрәптин
Попузилар. Улар бирикип, җенимдин
Мәһрум қилишни ойлаватиду.
14 Мән Саңа, Йәһва, үмүтимни артип:
«Сән мениң Худайим»,— дәймән.
15 Өмрүм Сениң қолуңда. Өчләр қолидин
тартивелип, дүшмәнләрдин қутулдурғайсән.
16 Йоруқ йүзүң билән бәндәңгә қариғайсән
Вә шәпқитиң бирликтә маңа парлисун!
17 Аһ, Йәһва! Уятта қалдурмиғина, чүнки мән
Сени чақириватимән. Рәзилләр шәрмәндә
Болуп, гөргә чүшүп, течлансун.
18 Ялған еғизлар кекәч болсун! Улар растчил
Кишигә қарши һакавур, тәңситмәй сөзләйду.
19 Сәндин әймәнгәнләргә әта қилған яхшилиғиң
Нәқәдәр, инсан оғуллири алдида Саңа
Таянғанларға соғилириң қанчә көп!
20 Сән уларни кишиләр исиянлиридин қорғап,
Дүшмән тилидин чедириң сайисида йошурисән.
21 Йәһва Худа мубарәк болсун, чүнки әҗайип
Рәһимини көрсәтти! У мени мустәһкәм
Шәһәрдә пухта сақлиған болди.
22 Паракәндилигимдә: «Сениң көзүңдин мән
Рәт қилиндим, әнди нәзәриңдә башқа
Болмаймән»,— дәп ойлиғандим. Лекин Сән
Ялвуруп ярдәм сориған авазимни аңлидиң.
23 Йәһвани Униң муқәддәслири сөйсун.
Йәһва садиқларни күзитиду,
Мәғрурларға җазани очумлап бериду.
24 Ғәйрәтлик болуңлар вә Йәһваға үмүт қилған
Барлиғиниң жүрәклири қәйсәр болсун.