Самуилниң 1-язмиси
21 Давут Нобқа Ахимәләк роһанийға кәлди. Ахимәләк әйминип, Давутниң алдиға чиқти вә униңдин: «Немишкә сән ялғуз һәм сениң билән һечким йоқ?»— дәп сориди. 2 Давут Ахимәләк роһанийға: «Падиша маңа бир ишни тапшуруп, һечким билмисун, немә үчүн мән сени әвәтиватимән, дегән еди. Шуңа мән әскәрлиримгә йошурунуш җайини бәлгүлидим. 3 Демәкчи, сиздә немә бар? Маңа бәш нан яки тепилғинини бериңа»,— дәп илтимас қилди. 4 Роһаний Давутқа җававән: «Муқәддәс әмәс нан мәндә йоқ, амма муқәддәс нанни әскәрлириң аяллардин өзлирини сақлиған болса, берәләймән»,— деди. 5 Давут роһанийға: «Аяллар биздә түнүгүнму йә алдиңки күниму, биз чиққандин тартип, болмиди. Шуңа әскәрләр тени пактур, әгәр биз аддий сәпәргә чиққанда пак болсақ, бүгүн техимидур»,— деди. 6 Шуниң билән роһаний униңға муқәддәс нанни бәрди, чүнки Йәһва алдидин тәғдим қилинған нанлар елинди. Уларниң орниға иссиқ нанлар қоюлди.
7 Мәзкүр күни шу вақитта Йәһваниң алдида Саулниң қуллириниң бирси, униң падичилириниң башлиғи едумийлиқ Доик болған еди.
8 Давут Ахимәләктин: «Сиздә бу җайда нәйзә яки қилич йоқму? Чүнки падишаниң тапшурмиси үштумтут болғанлиқтин, мән өзәм билән қуралимни һәм қиличимни еливалмаптимән»,— дәп сориди. 9 Роһаний җававән: «Сән Елаһ вадисида өлтүргән филистийәлик Голиятниң қиличи бар. У мана, ефодниң кәйнидә кийимгә орақлиқ ятиду. Әгәр уни алимән десәң, алғин. Униңдин башқа қурал йоқ»,— деди. Давут: «Униңға тәң келидиған нәрсә йоқ. Уни маңа бериң»,— деди.
10 Давут шу күни Саулдин қечип, Гатниң падишаси Ахишқа кәлди. 11 Ахишниң хизмәткарлири униңға: «Бу Исраил йериниң падишаси Давут әмәсму? Униңға сәптики аяллар нахша ейтип:
“Саул миңларни қиривәтти,
Давут болса, он миңларни қиривәтти!”— дегән әмәсму?»
12 Давут бу сөзләрни жүригидә сақлап, Гатниң падишаси Ахиштин бәк қорқатти. 13 Шуңлашқа у униң алдида сараң болуп қалғандәк өзини тутти вә уларниң алдида йоқ нәрсиләрни дәп, шәһәр дәрвазилирида йезип-сизип, сақилиға шөлгийини қоюп берәтти. 14 Ахиш хизмәткарлириға: «Силәр қөрүватисиләрғу, бу киши сараң! Немишкә уни алдимға әкәлдиңлар? 15 Мениңда бар сараңлар йетишмәмду? Уни алдимда сараң қилиқлирини қилдүрүшкиму? У қандақларчә мениң өйүмгә кирәлисун?»— дәп аччиғи кәлди.