Зәбур
Хор башчисиға.
Давут пәйғәмбәрниң күйи.
65 Саңа, Тәңримиз, үмүт арттуқ. Саңа Сионда
Мәдһийә ейтип, Саңа бәргән вәдилиримизни
Булҗутмай орунлаймиз.
2 Сән дуаларни Тиңшиғучи,
Саңа һәрхил адәмләр келиду.
3 Гуналирим бешимдин ашти, лекин
Сән қилмишлиримни
Жуюветидиғанлиғиңға ишинимән.
4 Сән таллиған һәм Өзәңгә йеқинлаштурған
Кишилириң нәқәдәр бәхитликтур!
Улар Сениң һойлаңда яшайду.
Өйүңдә бар яхшилиқларға тойимиз,
Муқәддәс ибадәтханаң бәрикәтлиригә.
5 Бизниң Ниҗаткаримиз Худа, бизгә әҗайип җавап
Бериватисән! Саңа йәр-зиминдики инсанлар
Үмүт сөйүнүп артиватиду, һәтта деңиз
Кәйнидә жирақ турғанлар.
6 Сән тағларни мустәһкәмлидиң,
Қадир-қувәткә бөләндиң Сән.
7 Сән һөкүрәватқан деңизларни течландурисән,
Егиз уруватқан Хәлиқләрниң долқунлирини.
8 Сениң карамәтлириңни байқап, йәрниң четидә
Яшиғучилар алдиңда һәйвәткә толиду.
Сән шундақ қилисәнки, шәриқ һәм
Ғәрип Сени мәдһийиләйду.
9 Асманға молчилиқ берип, уни мунбәт қилип,
Йәргә ғәмхорлуғуңни көрситисән.
Өстәңләрни суға толтуруп, адәмләргә дан
Туғдурисән. Сән зиминни шундақ яраттиң.
10 Униң чөнәклирини нәмгә тоштуруп,
Даңгаллирини угутисән, ямғур билән
Юмшитип, үнүмлирини өстүрисән.
11 Сән жилни шәпқитиң билән таҗилап, маңған
Җайиңда қут-бәрикәт ақмақта.
12 Чөлдики яйлақлар гияға кийинип,
Дөңләр хошаллиққа пүркәнди.
13 Яйлақлар падиларға тошуп, вадилар буғдайға
Толди. Барлиғи тәңтәнә қилишип,
Саңа нахшилар яңратмақта.