Зәбур
Давутниң дуайи.
86 Йәһва, иңишип мени аңлиғина,
Мән муһтаҗлиқ һәм чүшкүнлүктә.
2 Җенимни сақлиғина, чүнки мән Саңа ибадәт
Қиливатимән. Өз қулуңни, Тәңри,
Күзәткинә, сәвәви, мән Саңа тайинимән.
3 Йәһва, маңа илтипатлиқ узартқина, чүнки күн
Бойи мән Саңа мураҗиәт қиливатимән.
4 Йәһва, бәндәңниң көңлини хурсәнликкә толтурғина,
Чүнки мән Саңа җенимни тәғдим қилдим.
5 Сәвәви, Йәһва меһриван вә рәһим. Сениң вапа
меһриң Сени чақирған барлиғиға йетиду.
6 Йәһва, дуайимни тиңшиғина вә ярдәмгә муһтаҗ
Илтиҗамға қулақ тутқина!
7 Дәрт күнүмдә чақириватимән, чүнки шуни
Билимәнки, Сән маңа җавап берисән.
8 Йәһва, худалар арисида Сениңдәк һечким йоқ
Вә Сениң ишлириңға уларниң
Ишлири тәң келәлмәйду!
9 Сән яратқан һәммәйлән хәлиқ келип,
Саңа тазим қилғач, ибадәт өткүзиду,
Улар Сениң исмиңни мәдһийиләйду.
10 Чүнки Сән улуқ вә мөҗүзиләр Яратқучи,
пәқәт Сәнла Ялғуз-йеганә Худадур!
11 Йәһва, маңа йолуңни көрсәткинә.
Сениң һәқиқитиңдә жүримән, мениң жүригимни
Исмиңниң тәңдашсиз һөрмитигә бағлиғина.
12 Йәһва, Пәрвәрдигарим, Сени пүтүнләй
Вуҗудумдин махтаймән.
Исмиңни әбәдий һөрмәтләймән.
13 Маңа болған шәпқитиң бүйүк.
Сән җенимни гөрдин жулувалдиң.
14 Атам, йоғанчилар маңа қарши турди вә
Тәқиплигүчиләр топи җенимни издиди,
Уларниң Сениң билән кари йоқлар.
15 Лекин Сән, Йәһва, рәһимлик һәм һисдаш Рәбб,
Узақ чидамлиқ, изгүлүк һәм вапа сөйүмгә толған,
16 Маңа қарап, рәһим көрсәткинә, Өз хизмәткариңға
Күч берип, қулуңниң оғлини қутулдурғина.
17 Мән үчүн яхшилиқ карамитини қилғина, маңа
Өчләр буни көрүп, иза тартсун, чүнки Сән,
Йәһва, маңа тәсәлли бәрдиң.