Ибранийларға
12 Шуңа, әтрапимизда гувачилар мошундақ йоған булут болуп турғинида, келиңлар, бизму өзүмиздин бизни еғирлаштуридиған һәммә нәрсини һәм бизни оңайла чирмавалидиған гунани елип ташлап, бәрдашлиқ билән бизгә бәлгүләнгән мусапида жүгрәйли 2 һәм көзүмизни етиқатимизниң Башламчиси һәм Мукәммәлләштүргүчиси Әйсаға тикәйли! У өзини күтүватқан хошаллиқ үчүн шәрмәндичиликкә писәң қилмай, азап түвригини тәқабил чидап, Худа тәхтиниң оң тәрипидә олтарди. 3 Һә, силәр һерип қалмаслиғиңлар һәм роһуңлар чүшүп кәтмәслиги үчүн, өзлириниң зийиниға иш қилған гунакарларниң бундақ дүшмән һақарәтлирини тәқабиллиқ билән чидиғучи тоғрисида җиддий ойлиниңлар.
4 Силәр болсаңлар гуна билән күришип, техи қанғичә җәң қилмидиңлар. 5 Бирақ силәргә Тәңримиз оғуллиридәк бериватқан: «Һәй, оғлум, Йәһвадин болған нәсиһәтни камситма вә У сени түзигәндә, хапа болма, 6 чүнки Йәһва кимни сөйсә, шуни җиддий тәнбиһләйду һәм оғлидәк қобул қилған һәркимни җазалайду», дегән мәслиһитини тамамән унтуп қапсиләр.
7 Силәр тәқабил азапларни чидаватисиләр — вә мошу силәрниң тәрбийәңлар үчүн хизмәт қилиду. Рәббимиз силәр билән оғуллиридәк муамилә қиливатиду. Атиси җазалимиған пәрзәнт барму? 8 Лекин, әгәр силәр һәммиси алидиған җиддий нәсиһәтсиз қалсаңлар, у чағда силәр — һәқиқий оғуллири әмәс, бәлки некасиз туғулған пәрзәнтләрдур. 9 Бизниң атилиримиз болған, улар бизни җазалатти вә биз уларни һөрмәтләттуқ. Әнди роһий һаятимизниң Атисиға техиму көпирәк беқиниш һәм яшаш техиму керәк әмәсму? 10 Йәрдики атилиримиз бизни дурус көргинидәк азирақ күн давамида тәрбийилигән, амма У буни Униң муқәддәслигигә иштрак қилишимиз үчүн, бизниң пайдимизға қиливатиду. 11 Дәрһәқиқәт, һәрқандақ җаза һазир хошаллиқ әмәс, әксичә, қайғудәк билиниду, амма кейинирәк униң арқилиқ үгитилгәнләргә яхши мевә — течлик һәм һәққанийлиқни әкелиду.
12 Шуниң билән, һалсизланған қоллириңларни вә аҗизлашқан тизлириңларни чиңдаңлар 13 вә токулиған аяқниң чиқип кәтмәслиги, әксичә, сақийип кетиши үчүн, түз йолни ясаңлар. 14 Барлиғи билән течлиқта болушқа тиришиңлар һәм муқәддәсликкә интилиңлар, униңсиз һечким Рәббни көрәлмәйду. 15 Һечким Худаниң инайитидин мәрһум қалмисун, һечқандақ бир зәһәрлик йилтиз үнүп чиқип, зиян кәлтүрмәслиги һәм униң билән нурғунлири булғанмаслиғи үчун, диққәтлик болуңлар. 16 Араңларда һечбири зинахор, Әсавтәк бир тәхсә тамақ үчүн өз тунҗилиғини беривәткән һәм муқәддәс нәрсини қәдирлимәйдиған болмисун. 17 Силәргә мәлумки, кейин у варислиқ бәрикитини елишни халисиму, рәт қилинди. Гәрчә у әстаидил һәм көз яш билән қарарни өзгәртишкә тиришсиму, бу әнди ярдәм қилмиди.
18 Силәрниң йеқинлашқиниңлар қол билән тәккини болмайдиған ялқунлап көйүватқан тағ, қара булут яки нурсиз қараңғулуқ, яки боран 19 һәм карнәйниң үни, яки сөз ейтиватқан аваз әмәс. Буни аңлиған кишиләр башқа Униң уларға сөз қилмаслиғини ялвурған еди. 20 Улар үчүн берилгән буйруқ чидиғусиз еди: «Әгәр һәтта бирәр һайван таққа тәгсә, у таш етип өлтүрүлүши керәк». 21 Бу көрүнүш шунчилик дәһшәтлик едики, һәтта Муса: «Мән қорқунучта һәм титрәктә»,— деди. 22 Лекин силәр Сион теғиға, тирик Худаниң шәһири, йәни әрштики Йерусалимға һәм пәриштиләрниң биргә җәм болған түмәнлиригә 23 вә асманда йезилған тунҗиларниң җамаитигә, һәммәйләнниң Һөкүмчиси — Пәрвәрдигарға, камаләткә йәткүзүлгән һәққанийларниң роһий һаятиға 24 һәм йеңи келишимниң васитичиси — Әйсаға вә Һабилниң қенидин әвзәлирәк сөзләватқан сепиш қениға йеқинлаштиңлар.
25 Қараңлар, сөз Қилғучиға бойсунуштин өзәңларни ақлап, қачмаңлар. Чүнки әгәр Худаниң агаһландурушини йәрдә җакалиғанға бойсунмиғанлар қутқузулалмиған болса, асмандин Сөзлигүчигә тәтүр қарисақ, нәқәдәр техиму биз қутқузулалмаймиз. 26 Шу чағда Униң авази йәрни тәврәткән еди, әнди болса У: «Йәнә бир қетим йәрнила әмәс, асманниму силкиймән»,— дәп вәдә қиливатиду. 27 «Йәнә бир қетим» дегән сөзләр силкинмәйдиған нәрсә қелиши үчүн, силкиниватқанниң, йәни У яратмиғанниң йоқ қилинишини көрситиватиду. 28 Шуңлашқа тәврәнмәс Падишалиқни алидиғинимизни билип, келиңлар, кәлгүсидиму мол меһирликкә лайиқ болуп жүрәйли. Бу түпәйлидин биз Худаға муқәддәс хизмитимизни Униңға яққидәк, әйминиш һәм зор һөрмәт һалда қилалаймиз. 29 Чүнки бизниң Тәңримиз — ялмап жутудиған оттур.