Әлчиләр
24 Бәш күн өткәндин кейин башроһаний Һанания бәзибир ақсақаллар һәм Тертул аталмиш натиқ билән һөкүмранға келип, Паулға қарши даваларни тәвсийә қилди. 2 Тертулни чақирғанда, у Феликсниң алдида Паулни әйипләшкә башлап:
«Алий муһтәрәм Феликс! Сизниң арқиңизда биз бүйүк течлиққа йәттуқ вә узақни көрүш қабилийитиңиз түпәйлидин бизниң хәлқимиз арисида яхши өзгиришләр болуватиду.3 Биз һәрқачан вә барлиқ йәрләрдә чоңқур миннәтдарлиғимиз билән уларни қобул қиливатимиз. 4 Бирақ сизни аваричилиққа салмаслиғимиз үчүн, бизни тәбиий меһриванлиғиңиздиң қисқичә тиңшишиңизни ялвуримиз. 5 Мону кишиниң пүтүнләй җәмийәт үчүн жуқма кесәл, пүткүл йәр-зиминдики йәһудийларниң исиянлириниң башламчиси һәм насирәликләр мәзһипиниң йетәкчиси екәнлигигә көзүмиз йәтти. 6 У мәркизий ибадәтханини напак қилмақчи еди, амма биз уни тутувалдуқ. 7 *—— 8 Уни сораққа тартип, өзиңиз биз әйипләватқан нәрсиләрниң асаслиқ екәнлигини биләләйсиз»,— деди.
9 Бу әйипләргә қалған йәһудийлар қошулуп, һәммә нәрсиниң шундақ екәнлигини тәстиқләшти. 10 Һөкүмран баш еғитип сөзләшкә рухсәт бәргәндә, Паул мундақ деди:
«Мән сизниң көплигән жиллар бу хәлиқниң һөкүмчиси болғанлиғиңизни билимән һәм шуңлашқа өз һимайәм үчүн сөзләшни халаймән. 11 Мән Йерусалимға ибадәт үчүн кәлгинимгә 12 күндин артуқ өтмигәнлигини сизниң тәкшүрәләйдиғиниңизни билимән 12 һәм мениң мәркизий ибадәтханида бирлири билән талаш-тартиш қилғинимни, яки йәһудий ибадәтханиларда, яки шәһәрдә топларни жиққанлиғимни һечким көрмиди. 13 Улар маңа қойған әйиплирини сизгә дәлилләлмәйду. 14 Лекин шуни иқрар қилимәнки, мән улар мәзһәп дәп атаватқан тәлимат бойичә яшаймән вә Қанунда берилгән һәм Пәйғәмбәрләр китаплирида ейтилған барлиқ нәрсиләргә ишинип, әҗдатлиримниң Худайиға муқәддәс хизмәт қилимән. 15 Мән улардәкла өлгәнләрниң, һәққанийларниң һәм һәққаний әмәсләрниң, тирилиши болушиға Худаға үмүт артип, ишинимән. 16 Шу сәвәптин, пак вижданим болуши үчүн һәм Рәббимгә вә адәмләргә қарши гуна қилмайдиғинимни билишим үчүн, мән дайим тиришимән. 17 Нурғун жиллар өткәндин кейин, мән хәлқим үчүн хәйрихаһлиқ соғатларни һәм шундақла қурбанлиқларни елип кәлдим. 18 Мән қаидә бойичә тазиланған чағда һәм адәмләрниң топлиниши вә ваң-чуңи болмиған җайда улар мени тутувалди. Лекин у йәрдә Асияниң бәзибир йәһудийлири болған еди, 19 улар сизниң алдиңизда туруп, әгәр маңа қарши бир нәрсә болған болса, әйиплиши керәк еди. 20 Яки бу адәмләр мән Алий кеңәш алдида турған вақтимда қандақ җинайәт қилғанлиғимни өзлири ейтсун, 21 мән пәқәт уларниң арисида туруп: “Өлүмдин тирилиш бар үчүн, мени бүгүн силәрниң алдиңларда сотлаватиду!”— дәп вақиридим».
22 Амма Феликс Йол тоғрисида йетәрлик билгәчкә, уларниң ишини кәйнигә тартип: «Лисий командан кәлгәндила, силәрниң ишиңлар бойичә мән қарар чиқиримән»,— деди. 23 У йүзбешиға Паулға көз селип, бирмунчә йеникликләрни берип вә униң достлиридин һечкимгә униңға хизмәт қилишиға тосалғу қилмаслиқни буйриди.
24 Бирнәччә күндин кейин Феликс аяли Друсилла билән, у йәһудий еди, Паулни чақиртип, Әйса Мәсиһкә болған етиқат һәққидә тиңшиди. 25 Лекин Паул һәққанийлиқ, өзини тутуш һәм йеқинлишиватқан сот тоғрисида сөзлигәндә, Феликс қорқуп: «Һазирчә орнуңға барғин, бош вақтим болғанда, мән яңливаштин сени чақиртимән»,— деди. 26 У шундақла Паулниң пул беришигә үмүтлинип, уни қайта-қайта чақирип, сөһбәтләрни жүргүзди. 27 Шундақ қилип, икки жил өтти һәм Феликсниң орниға Порси Фест кәлди. Феликс болса йәһудийларға йеқиш үчүн, Паулни кишәндә қалдурди.