Коринтлиқларға 2-хәт
9 Муқәддәсләргә болған хизмәткә тегишлик болса, у тоғрисида силәргә йезиш артуқ, 2 чүнки мән силәрниң тәйярлиғиңларни билимән. У һәққидә македонлуқлар алдида махтинимәнки, Ахаядикиләр мана бир жилдин бери ярдәм беришкә тәйяр дәп вә силәрниң қизғинлиғиңлар уларниң нурғунлирини ойғатти. 3 Бирақ мән силәргә бурадәрләрни әвәтип, биз силәр билән бекардин махтанған болуп чиқмаслиғимиз үчүн, мән ейтқандәк, тәйяр болуп туруңлар. 4 Әксичә, шундақ болуп қелиши мүмкинки, әгәр македонлуқлар мениң билән келип, силәрни тәйярлиқсиз көрүп қалса, биз һәм силәрму мошу ишәнчимиздә шәрмәндичиликкә учримайли. 5 Шуңа мән бурадәрләрни алдинарақ силәргә келип, авал вәдиләнгән мәрт һәдийәгә тегишлик тәйярлиқларни көрүшни һаҗәт санидим. Бу һәдийә зорлап алған бир нәрсидәк әмәс, әсли сехи һәдийәдәк тәйярлиниши үчүндур.
6 Қошумчә дәймән: аз териған аз алиду, мол териған болса, мол алиду. 7 Һәрким нарази һәм мәҗбурий түрдә әмәс, бәлки өз жүригидә қандақ қарарға кәлгән болса, шундақ иш қилсун, чүнки Худа хошаллиқ билән бәргүчини яхши көриду.
8 Униңдин ташқири, силәр һәммә һаҗәтлик нәрсигә егә болуп һәм өзәңларниңкигә рази болуп, һәрқандақ яхши ишқа бай болушуңлар үчүн, Рәббимиз силәргә мол меһирлигиниң барлиқ баяшәтчилигини төкүшкә қадир. 9 (Йезилғинидәк: «У хәсислик қилмай тарқатқан, кәмбәғәлләр билән бөлүшкән. Униң һәққанийлиғи мәңгүдур». 10 Молчилиқта деханға уруқларни һәм озуқлуққа нанни Бәргүчи уруқларни теришиңлар үчүн, силәргә нурғун бериду вә һәққанийлиғиңларниң мевилирини көп қилиду). 11 Силәр өзәңларму һәммә нәрсидә мәртлик көрситишиңлар үчүн, барлиқ нәрсидә баяшәт еливатисиләр һәм бизниң тиришчанлиғимиз түпәйли мундақ мәрт-мәрданилиқ Худаға миннәтдар болушқа адәмләр дәвәт қилиниватиду. 12 Чүнки силәрниң қилған хизмитиңлар муқәддәсләрниң еһтияҗлирини қанаәтләндүрүш үчүнла әмәс, бәлки көплири Пәрвәрдигарға миннәтдарчилиқниң нурғунлиған ипадилири билән бейишигиму керәк. 13 Улар мошу хизмәтниң гувалиғини көрүп, силәрниң Мәсиһ һәққидики хуш хәвәргә беқинғанлиғиңлар үчүн һәм униң һәққидә умумхәлиқ җакалаватқиниңлар вә улар һәм барлиғи үчүн ианиләрдики мәртлигиңларға бенаән Худани мәдһийиләватиду. 14 Һәм силәр үчүн ялвурушларни қилғач, улар силәрдә болуватқан Худаниң ешип-ташқан мол меһирлигини билгәнликтин, силәрни интайин сөйиду.
15 Худаниң алий һәдийәси үчүн Униңға шүкүр!