Йәрдики һаят билән мәңгү шатлиниң!
Бу китапчә йәрни вә йәрдики барлиқ нәрсиләрни ким яратқанлиғини билиш үчүн сизгә ярдәм сүпитидә йезилған. Яратқучи Худаниң шәхсий исми бар екәнлигиниму оқуп билисиз. Бу китапчида биз шундақла Худа немишкә инсанни яратқан вә қандақ қилип сиз йәрдики һаят билән мәңгү шатлинишиңизни чүшәндүрүп беримиз.
Буниң һәммисини яхширақ көз алдиңизға кәлтүрүш үчүн, сүрәтләрниң көпчилиги ярдәм қилиду дәп, үмүт қилимиз. Пайдиси көпирәк болуш үчүн сүрәтләргә Муқәддәс китапниң барлиқ кәлтүрүлгән йезиқлирини оқуп чиқиң. Шундақ қилип Худаниң Муқәддәс китапта йезилған әҗайип вәдилирини сиз өзиңиз оқуп биләләйсиз. Әшу вәдиләрниң орунлинишида қатнишиш үчүн сиз, Худаниң пикричә, немә қилишиңизниң һаҗәтлигини билисиз.
Халисиңиз, мошу китапчини башқа адәмләргә ярдәм қилиш үчүн пайдилансиңиз болиду. Әгәр балилириңиз болса, китапчини пайдилинип, уларғиму Худа тоғрисида билим елишқа ярдәм көрситәләйсиз. Әгәр сиз көпчиликниң савати йоқ дөләттә яшисиңиз, сүрәтләр арқилиқ уларға Худаниң нийәтлирини чүшәндүрүп берәләйсиз. Уларму өз новитидә йеқинлириғиму шундақла ярдәм берәләйду.
Бу китапчини үгиниш сизгә Худаниң көп бәрикәтлирини елишқа йол ачиду вә башқиларғиму йәрдә мәңгү яшашқа ярдәм бериду дәп, чин қөңлимиздин үмүт қилимиз.