Қәлбиңизни тәтқиқ қилишқа тәйярлаң

Биз Муқәддәс китапни тәтқиқ қилғанда Йәһва тоғрилиқ билгәнлиримиз жүригимизгә, йәни оюмизға, һис-туйғулиримизға вә хаһишлиримизға тәсир қилишини халаймиз. Әзра бизгә яхши үлгә қалдурған. У Йәһваниң қанунини чүшиниш үчүн өз қәлбини тәйярлиған (Әзра 7:10). Биз қәлбимизни тәтқиқ қилишқа қандақ тәйярлалаймиз?

Дуа қилиң. Һәрбир үгинишни дуа билән башлаң. Йәһва Худадин үгәнгәнлириңизни чүшинишкә вә уларни қоллинишқа ярдәм сораң (Зәб. 119:18, 34).

Кәмтәр болуң. Худа мәғрур, өзигә ишәнгән адәмләрдин һәқиқәтни йошуриду (Луқа 10:21). Башқиларни билимиңиз билән һәйран қалдуруш үчүнла тәтқиқ қилмаң. Кәмтәр болуп, ой-пикриңизни Худаниң көзқаришиға маслаштурушқа тәйяр болуң.

Падишалиқ нахшилирини тиңшаң. Музыка бизниң һис-туйғулиримизға тәсир қилиду. Шуңа, әгәр тәтқиқ қилишниң алдида Падишалиқ нахшилирини тиңшисақ, бу бизгә диққитимизни Йәһваға ағдурушқа ярдәм берип, оқуғанлиримиз жүригимизгә тәсир қилиду.