2-савақ

Худа дегән ким?

Һәқиқий Худа дегән ким вә Униң исми қандақ? (1, 2)

Униң тени қандақ? (3)

Уңиң әң асасий сүпәтлири қандақ? (4)

Ибадәт қилғанда бутлар билән рәмизләрни пайдилиниш һаҗәтму? (5)

Қандақ икки усул арқилиқ Худани тонушқа болиду? (6)

1. Адәмләр көп нәрсиләргә ибадәт қилиду. Лекин Муқәддәс китапта бирла ҺӘҚИҚИЙ Худа бар дәп ейтилиду. У асмандики вә йәрдики һәммә нәрсиләрни яратти. Худа бизгә өмүр бәргәнликтин, биз ялғуз Шуниңғила ибадәт қилишимиз керәк (Кор. 1-х. 8:5, 6; Вәһий 4:11).

2. Худаниң унванлири көп, лекин бирла исми бар. Худаниң исми — ЙӘҺВӘ. Муқәддәс китапниң көпинчә тәрҗимилирида Худаниң исмини еливетип, уни “Пәрвәрдигар” вә “Худа” дегән унванларға йөткигән. Муқәддәс китапниң түп нусхисида “Йәһвә” дегән исим 7000-ға йеқин учришиду! (Чиқиш 3:14; Һосийә 12:5).

3. Йәһвә Худаниң тени бар, бирақ у бизниңкидин пәриқлиниду. “Худа — Роһтур”,— дәп Муқәддәс китапта йезилған (Йоһан 4:24). Роһ — бизниң өмримиздин хелила жуқури туридиған өмүрниң шәкли. Һеч бир адәм һеч қачан Худани көрмигән. Йәһвә Худа асманда яшайду, бирақ һәммини көриду (Зәбур 10:4, 5; Йоһан 1:18). Ундақта Муқәддәс Роһ дегән немә? У Худадәк шәхс әмәс. У Худаниң һәрикәт күчи (Зәбур 103:30).

4. Йәһвә Худаниң шәхси Муқәддәс китапта көрситилиду. Уңиң әң асасий сүпәтлири — меһир-муһәббәт, адиллиқ, даналиқ вә күч көрситилиду (Қанун шәһри 32:4; Аюп 12:13; Әйсайә 40:26; Йоһанниң 1-хети 4:8). Муқәддәс китапта Худа шундақла шәпқәтлик, меһриван, кәчүрүшкә тәйяр, һиммәтлик вә чидамлиқ дәп ейтилиду. Биз тил алидиған балилардәк, Униңдин үлгә елишқа тиришишимиз керәк (Әфәсликләргә 5:1, 2).

5. Худаға ибадәт қилғанда, бутларни, сүрәтләрни вә рәмизләрни һөрмәтләш яки уларға дуга оқуш керәкму? Яқ! (Чиқиш 20:4, 5). Йәһвә Худа бизни ялғуз Униңғила ибадәт қилишиңлар керәк дәйду. У өзиниң шан-шәрәпитини һеч ким вә һеч нәрсә билән бөлмәйду. Бутларниң бизгә ярдәм беридиған күчи йоқ (Зәбур 113:12—16; Әйсайә 42:8).

6. Худани қандақ яхширақ тонушқа болиду? Биринчи усул — Униң һәммә яратқан нәрсилиригә вә улар немә ейтип беридиғанлиғини чоңқур ойлаш. Худаниң яратмилири У қанчилик улуқ қудрәткә вә даналиққа егә екәнлигини ипадиләйду. Һәммә яритилған нәрсидә Униң меһир-муһәббити көрүнүп туриду (Зәбур 18:2—7; Римлиқларға 1:20). Худани яхши билишниң иккинчи усули — Муқәддәс китаптин билим елиш. Униң бәтлиридин У қандақ Худа екәнлиги тоғрисида хелила көп ейтип бериду. Бу китапта шундақла Худа өзиниң нийәтлири тоғрилиқ вә биздин нәмә күтүдиғанлиғини хәвәрләйду (Әмус 3:7; Тимотийға 2-хәт 3:16, 17).

[5-бәттики рәсимләр]

Биз Худа тоғрилиқ Униң яратмилири арқилиқ һәм Муқәддәс китап бәтлиридин биләләймиз.