15-савақ

Адәмләргә Худа ирадисини орунлашқа қандақ ярдәм беришкә болиду

Өзиңиз билгән нәрсиләрни адәмләргә ейтишиңиз нәмишкә зөрүр? (1)

Хуш хәвәрни кимгә тәғдим қилсақ болиду? (2)

Сизниң жүрүш-турушиңиз адәмләргә қандақ тәсир қилиши мүмкин? (2)

Жиғин билән биллә Хуш хәвәр ейтишни қачан башлашқа болиду? (3)

1. Мошу вақитқичә сиз Муқәддәс китаптин көп яхши нәрсиләрни билдиңиз. Бу мәлуматлар сизни мәсиһчи шәхс сүпитидә тәрәққий етишиңизға дәвәт қилиши керәк (Әфәс. 4:22—24). Мәңгү һаятқа йетиш үчүн Муқәддәс китаптин тәлимат елиш муһим (Йоһан 17:3). Амма башқа адәмләргиму аман қелиши үчүн хуш хәвәрни аңлиши һаҗәт. һәқиқий мәсиһчиләрниң барлиғи башқа адәмләргә гувачилиқ қилиши лазим. Бу Худаниң буйруғи (Римлиқларға 10:10; Кор. 1-х. 9:16; Тимотийға 1-хәт 4:16).

2. Сиз билгән яхши нәрсиләрниң һәммисини өзиңизниң йеқинлириға ейтишни башлисиңиз болиду. Бу тоғрилиқ өзиңизниң аилиңизгә, достлириңизға, синипдашлириңизға вә ишдашлириңизға сөзләп бериң. Шу чағда меһриван һәм сәвирлик болуң (Тимотийға 2-хәт 2:24, 25). Көпинчә әһвалда адәмләр тиңшиғандин көрә, адәмниң меңиш-турушиға қарайдиғинини есиңиздин чиқармаң. Шуңлашқа яхши меңиш-турушиңизниң өзи сиз ейтиватқан хәвәргә адәмләрниң қөңилини тартиши мүмкин (Мәтта 5:16; Петрусниң 1-хети 3:1, 2, 16).

3. Сиз лайиқ болғанда яшаватқан җайиңиздики Йәһвә Гувачилириниң жиғини билән Хуш хәвәр ейталайсиз. Бу сизниң тәрәққиятиңизниң муһим пәйти (Мәтта 24:14). Әгәр башқа бирсигә Йәһвә хизмәтчиси болушқа вә мәңгү һаят елишқа ярдәм қилған болсиңиз, қанчилик шу хошаллиқтур! (Салоникилиқларға 1-хәт 2:19, 20).