Тиңшиғучиларни көпирәк мәлуматларға егә қилиш

Коринтлиқларға 1-хәт 9:19—23

АСАСИЙ МӘХСӘТ. Тиңшиғучиларни ойлинишқа дәвәт қилиш. Уларни пайдилиқ мәлуматқа егә болғандәк һис қилдуруш.

МӘХСӘТКӘ ҚАНДАҚ ЙЕТӘЛӘЙСИЗ?

• Тиңшиғучиларниң немини билидиғанлиғи һәққидә ойлаш. Улар илгири билгән асасий билимләрни қайта тәкрарлашниң орниға, сиз башқичә нуқтәий нәзәр билән чүшәндүрүп, уларниң шу һәққидә йеңи мәлуматларға еришишигә ярдәм бериң.

• Мәлуматлар һәққидә издиниш вә чоңқурирақ ойлиниш. Мүмкин болса, асасий ой-пикирләрни йәткүзүш үчүн натонуш дәлилләрни яки йеңи хәвәрләрни ишлитиң. Топлиған мәлуматларни чоңқурирақ тәтқиқ қилип, ишләтмәкчи болған материал билән асасий мавзу арисида қандақ бағлиниш барлиғини ойлап көрүң.

• Мәлуматниң пайдисини ениқ көрситип бериш. Айәттики асасий ой-пикирни күндилик турмушта қандақ пайдилинишқа болидиғанлиғини чүшәндүрүң. Тиңшиғучилар билән мунасивәтлик болған бәзи вәзийәтләр, көзқарашлар вә иш-һәрикәтләр һәққидә муһакимә қилиң.