25-ДӘРИС
Худа бизни немә үчүн яратти?
Муқәддәс китапта ейтилғандәк, инсанниң һаяти қисқа вә азап-оқубәткә толған (Аюп 14:1). Худа бизни шундақ яшаш үчүн яратқанму? Әгәр шундақ болмиса, У немә мәхсәттә бизни яратқан? Униң мәхсити бир күни әмәлгә ашамду? Һазир Муқәддәс китаптин кишигә тәсәлли беридиған җавапларни тапайли.
1. Йәһва Худа бизни немә мәхсәттә яратқан?
Яратқучи Йәһва бизниң мүмкинқәдәр әң яхши һаят кәчүрүшимизни халайду. У Адәм ата вә Һава анини йәр йүзидә яратқанда, уларни гөзәл Ерәм беғиға орунлаштурған. «Худа уларни бәрикәтләп: “Әвлат көрүп көпийиңлар, йәр йүзини толтуруңлар, уни асраңлар...”,»— деди (Яритилиш 1:28). Йәһва Худа уларниң пәрзәнтлик болуп, пүтүн йәр йүзини җәннәткә айландуруши вә һайванатлардин хәвәр елишини халиған еди. У пүтүн инсанларниң мукәммәл тән билән сағлам мәңгү һаят кәчүрүшини мәхсәт қилған.
Һазир шундақ һаят кәчүрмисәкмуa, амма Худаниң әсли мәхсити өзгәргини йоқ (Йәшая 46:10, 11). У һазирму Өзигә итаәтчан болған инсанларниң мукәммәл шараитта мәңгү яшишини халайду (Вәһий 21:3, 4ни оқуң).
2. Һазир мәналиқ һаят кәчүрүш үчүн немә қилалаймиз?
Йәһва Худа бизни роһий еһтияҗ билән яратқан. Шуңа Уни тонуш вә Униңға ибадәт қилиш арзу-истигимиз бар (Мәтта 5:3—6ни оқуң). Йәһва Худа бизниң Униң билән йеқин дост болушимизни халайду. Униң йолида меңип, Уни сөйүшимизни вә пүтүн қәлбимиз билән Униңға хизмәт қилишимизни халайду (Қанун шәрһи 10:12; Зәбур 25:14). Әгәр биз шундақ қилсақ, мәйли қандақ қийинчилиқларға дуч кәлмәйли, һәқиқий хошаллиққа еришәләймиз. Йәһваға ибадәт қилип яшисақ, һаятимиз әһмийәтлик өтиду, сәвәви биз У халиғандәк һаят кәчүримиз.
ЧОҢҚУРИРАҚ ҚЕЗИҢ
Йәһва Худа биз үчүн йәр шарини яратқанда, Өзиниң чоңқур меһир-муһәббитини көрсәткән. Муқәддәс китап бизниң немә мәхсәттә яритилғанлиғимизни ейтип бериду. Мошулар һәққидә биливелиң.
3. Яратқучи Йәһва инсанларниң шат-хорам һаят кәчүрүшини мәхсәт қилған
ВИДЕОНИ көрүп, кейин төвәндики соал үстидә ойлинип көрүң.
Йәһва Худа немә үчүн йәр шарини шунчилик гөзәл қилип яратқан?
Вәз 3:11ни оқуң, кейин төвәндики соалға җавап бериң:
Бу айәттин Яратқучи Йәһваниң ирадиси һәққидә немини үгинәләймиз?
4. Худаниң ирадиси өзгәргини йоқ
Зәбур 37:11, 29 вә Йәшая 55:11ни оқуң, кейин төвәндики соалға җавап бериң:
Тәңри Йәһваниң инсанлар үчүн қилған ирадисиниң өзгәрмигәнлигини қандақ билимиз?
Ташлаветилгән өйни қайта тикләшкә болиду. Худди шуниңдәк инсанлар тәрипидин вәйран қилинған йәр шарини Яратқучи Йәһва йеңилайду. Шу йәрдә Худани яхши көридиған кишиләр яшайду
5. Йәһва Худа халиғандәк яшисақ, һаятимиз әһмийәтлик өтиду
Һаятниң мәнасини билиш бизни шат-хорамлиққа чөмдүриду. ВИДЕОНИ көрүп, кейин төвәндики соал үстидә ойлинип көрүң:
Һаятниң һәқиқий мәнасини билгәндин кейин, Теруми өз һаятида қандақ өзгиришләрни қилди?
Вәз 12:13ни оқуң, кейин төвәндики соалға җавап бериң:
Йәһва Худа биз үчүн шунчә көп ишларни қилди. Буниң үчүн Униңға миннәтдарлиғимизни қандақ билдүрүшимиз керәк?
БӘЛКИМ, БӘЗИЛӘР МУНДАҚ СОРАЙДУ: «Биз немә үчүн яшаймиз?»
Сиз қандақ җавап берәттиңиз?
ХУЛАСӘ
Яратқучи Йәһва йәр йүзидә мукәммәл шараитта мәңгү шат-хорам яшишимизни халайду. Биз чин қәлбимиздин Униңға ибадәт қилсақ, һазирму вә келәчәктиму мәналиқ һаят кәчүримиз.
Тәкрарлаш
Йәһва Худа Адәм ата билән Һава ана үчүн әсли немини ирадә қилған?
Худаниң инсанлар үчүн қилған ирадиси өзгәрмигәнлигини қандақ билимиз?
Һаятниң һәқиқий мәнасини қандақ тапалайсиз?
ИЗДИНИП КӨРҮҢ
Ерәм беғи өтмүштә һәқиқәтән болғанлиғи һәққидики дәлил-испатларни биливелиң.
«Ерәм беғи әпсанә-ривайәтму яки һәқиқәтән болғанму?» («Күзитиш мунари» 2011-жил, 1-январь)
Немә үчүн йәр шариниң мәңгү мәвҗут болуп туридиғанлиғиға ишинәләймиз?
Һаятниң мәнаси һәққидә Муқәддәс китапниң немә дегәнлигини көрүп беқиң.
Өзидә һәммә нәрсә толуқ дәп ойлиған бир кишиниң һаятида неминиң кам екәнлигини қандақ чүшәнгәнлигини көрүң.
a Буниң сәвәвини кейинки дәристин биләләйсиз.