СӨҺБӘТ БАШЛАШ
5-ДӘРИС
Пәм-парасәт
Принцип: «Гепиңлар дайим йеқимлиқ. . . болсун» (Кол. 4:6).
Әлчи Паул немә қилған?
1. ВИДЕОНИ көрүң яки Әлчиләр 17:22, 23ни оқуң, кейин төвәндики соалларға җавап бериң:
a. Әлчи Паул Афина шәһири сахта илаһларға чоқунуш билән толғанлиғини көргинидә, у қандақ һис-туйғуда болған? (Әлч. 17:16ға қараң.)
ә. Әлчи Паул афиналиқларни әйипләшниң орниға, уларға хуш хәвәрни йәткүзүш үчүн пәм-парасәт билән уларниң диний көзқарашлирини қандақ қолланған?
Паулдин немини үгинимиз?
2. Қайси гәп-сөзләрни, қандақ усулда вә қачан сөзләшни еһтиятчанлиқ билән таллисақ, кишиләр бизни тиңшашқа техиму майил болуши мүмкин.
Паулни үлгә қилиш
3. Еһтиятчанлиқ билән сөзләрни таллаш. Әгәр христиан диниға етиқат қилмайдиған киши билән параңлашсиңиз, бәлким Муқәддәс китапни тонуштуруш яки Әйса Мәсиһни пәриқлиқ нам-унван билән аташ үчүн сөз-җүмлиләрни өзгәртишкә тоғра келиду.
4. Кишиниң көзқаришини түзитишкә алдиримаслиқ. Кишини өз ой-пикирлирини әркин-азадә баян қилишқа илһамландуруң. Әгәр у Муқәддәс китап тәлимлиригә зит болған бәзи нәрсиләрни ейтса, талаш-тартиш қилиштин сақлиниң (Яқуп 1:19). Кишини диққәт билән тиңшисиңиз, униң немигә ишинидиғанлиғи вә немә үчүн ишинидиғанлиғини чүшинәләйсиз (Пәнд н. 20:5).
5. Мүмкинқәдәр кишиниң ой-пикригә қошулуш вә махташ. Киши өз диний етиқадиниң тоғрилиғиға чин көңлидин ишиниши мүмкин. Авал һәр иккиңлар ортақ қошулидиған мавзу һәққидә параңлишишқа тиришиң. Кейин униң аста-аста Муқәддәс китаптики һәқиқәтләрни чүшинишигә ярдәм бериң.