Сәвирчанлиқ

Әйса Мәсиһ немә қилған?

ВИДЕО: Әйсаниң сәвирчанлиқ билән өз инисиға ярдәм бериши

1. ВИДЕОНИ көрүң яки Йоһан 7:3—5 вә Коринтлиқларға 1-хәт 15:3, 4, 7ни оқуң, кейин төвәндики соалларға җавап бериң:

1. a. Әйсаниң инилири дәсләптә у йәткүзгән хәвәргә қандақ инкас қайтурған?

2. ә. Әйсаниң давамлиқ өз иниси Яқупқа ярдәм бериштин ваз кәчмигәнлигини немә көрситиду?

Әйса Мәсиһтин немини үгинимиз?

2. Биз сәвирчан болушимиз керәк, чүнки адәмләр бир-биригә охшимайду, бәзиләрниң хуш хәвәрни қобул қилишиға көпирәк вақит керәк.

Әйса Мәсиһни үлгә қилиш

3. Һәр түрлүк усулларни синап көрүш. Әгәр киши дәрһал Муқәддәс китап үгинишини башлимиса, уни мәҗбурлимаң. Мувапиқ пәйти кәлгәндә, у кишигә Муқәддәс китап тәтқиқ үгиниши қандақ өткүзүлидиғанлиғи вә бундақ үгинишниң пайдисини чүшинишкә ярдәм беридиған видеоларни вә мақалиләрни ишлитиң.

4. Селиштуруштин сақлиниш. Һәрбир инсан пәриқлиқ. Әгәр уруқ-туққиниңиз яки қайта йолуққан киши Муқәддәс китап үгинишини башлаш яки Муқәддәс китап һәқиқәтлирини қобул қилиштин иккилинип қалса, немә үчүн униң шундақ қилғанлиғи тоғрилиқ ойлинип көрүң. Униң муһим дәп қарайдиған мәлум бир диний көзқариши барму? У уруқ-туққанлири вә холум-хошнилириниң қаршилиғиға учраватамду? У киши ейтқан сөзлириңиз һәққидә чоңқур ойлиниши вә Муқәддәс китаптики һәқиқәтләрниң муһимлиғини чүшиниши үчүн униңға вақит бериң.

5. Һәқиқәткә қизиққан киши үчүн дуа қилиш. Иҗабий көзқарашни сақлаш вә пәм-парасәтлик болуш үчүн Йәһва Худадин ярдәм сораң. Чин көңлидин қизиқмайдиған биригә қайта йолуқушни қачан тохтитишни қарар қилиш үчүн әқил-парасәт сорап дуа қилиң (Кор. 1-х. 9:26).