Сиз Хатириләш кечи вақтида Йәһва Худа билән Әйса Мәсиһниң қизғинлиғиға тәқлит қиламсиз?
1. Хатириләш кечи вақтида Йәһва Гувачилири немигә бар күчини салиду?
1 Йәһва Худа Өз нийитини қизғинлиқ билән орунлайду. Худа Падишалиғи әкелидиған бәзибир бәрикәтләр тоғрисида Йәшая 9:7дә: «Сәмавий қошунларниң сәрдари болған Пәрвардигарниң отлуқ муһәббити [«қизғинлиғи», ЙД] мошуни ада қилиду»,— дәп йезилған. Униңға охшашла Худа Оғли йәрдики хизмитидә һәқиқий ибадәткә толуғи билән қизғинлиқни көрсәткән (Йоһ. 2:13—17; 4:34). Һәр жили Хатириләш кечи өтүдиған вақитта дуния йүзидики миллионлиған җакалиғучилар Йәһва Худа вә Әйса Мәсиһниң қизғинлиғиға тәқлит қилиш үчүн хизмәткә бар күчини салиду. Сизму шулардәк қиламсиз?
2. Немини 7-марттин башлап қизғинлиқ билән қилимиз?
2 Хатириләш кечи алдидики компания. Бийил Хатириләш кечигә тәклип қилиш компанияси 7-март шәнбә күни башлиниду. Һазирдин башлап хизмәткә қизғинлиқ билән қатнишишқа мәхсәт қоюң. Һәр бир җамаәт хизмәт қилиш территориясини мүмкинчилиги бойичә арилап чиқишқа қизғинлиқ билән күч салиду. Муқәддәс Китапни оқуп-үгиниватқанларни, қизиқиш көрсәткәнләрни, биллә ишләйдиғанларни, уруқ-туққанларни, синипдашларни Хатириләш кечигә тәклип қилишқа тиришимиз.
3. Март, апрель айлирида хизмитимизни қандақ улғайталаймиз?
3 Ярдәмчи пешқәдәм хизмити. Шундақла қизғинлиқ көпирәк хизмәт қилишқа дәвәт қилиду. Март, апрель айлирида көплири ярдәмчи пешқәдәм болуши сөзсиз, чүнки бу айларда 30 саатлиқ нормини орунлашни таллап алалайду. Аиләвий ибадәттә яки шәхсий үгиништә дуа қилип пешқәдәм хизмити һәққидә ойлансақ болиду (Пәнд н. 15:22). Компанияға қизғинлиқ билән қатнишишиңиз башқиларни қизғин хизмәткә дәвәт қилиши мүмкин. Көпирәк хизмәт қилиш үчүн өзгиришләрни қилсаңлар, Әйсаниң қизғинлиғиға тәқлит қилған болисиләр (Марк 6:31—34).
4. Йәһва Худа һәм Әйса Мәсиһниң қизғинлиғиға тәқлит қилсақ, қандақ бәрикәтләрни алимиз?
4 Хатириләш кечи вақтида Йәһва Худа вә Әйса Мәсиһниң қизғинлиғиға тәқлит қилсақ, нәтиҗиси әҗайип яхши болиду. Җамаәтниң территорясида нурғун адәмләргә гувалиқ берилиду. Йәһва Худаға хизмәт қилиштин вә башқиларға яхшилиқ қилиштин биз хошаллиқ вә қанаәтни һис қилимиз (Әлч. 20:35). Әң муһими болса қизғинлиғи зор Худайимиз вә Әйса Мәсиһни хурсән қилимиз.