Варақчиларни ишлитип сөһбәтни башлаң

2018-жилиниң январь ейидин башлап, «Мәсиһий һаятимиз вә хизмитимиз. Иш дәптириниң» биринчи бетидә сөһбәт үлгилири пәйда болди. Биз әдәбиятларни берипла қоймай, адәмләр билән сөһбәтлишишкә дәвәт қилиндуқ. Вәз ейтқучилар мошу тәвсийәләрни өз территориясигә маслаштуруп сөһбәтни башлалиши үчүн видеолар көрситилиду. Әнди биз өйму өй вәз қилғанда, әдәбиятләрни тамамән пайдиланмаймиз дегәнни билдүрәмду? Яқ. Сөһбәтни башлашниң яхши бир усули — варақчиларни ишлитиш. Һәр түрлүк варақчиларни төвәндики үлгә бойичә ишлитәләйсиз:

1. Биринчи бәттики соални қоюң.

2. Иккинчи бәтниң бешида йезилған Муқәддәс китаптики айәтни көрситиң. Кишиниң вақти болса, униңға варақчидики бәзи мәлуматларни оқуп берип, муһакимә қилиң.

3. Өй егисигә варақчини берип, уни толуқ оқуп чиқишқа дәвәт қилиң.

4. Кетиштин авал, ахирқи бәттики соални көрситип, келәрки қетим Муқәддәс китаптин униңға җававини көрситишкә келишивелиң.

Қайта кәлгәндә, сиз өткәнки учришишта қойған соални муһакимә қилип, кейин йәнә бир соални келәрки учришиш үчүн қалдуруң. Сиз бу соални торбетимиздин яки варақчиниң ахирқи бетидә көрситилгән әдәбиятлиримиздин тапалайсиз. Мүмкинчилик болғанда, «Худадин кәлгән хуш хәвәр!» дегән китапчини яки тәлим бериш қураллиримизниң бирини бериң.