Йәһваниң күни йеқинлишиватқан вақтида етиқатта чиң туруң

БУ НЕМӘ ҮЧҮН МУҺИМ? Пат йеқинда дәһшәтлик вақиәләр йүз берип, җасаритимиз вә Йәһва Худаға болған етиқадимиз синилиду. Дәһшәтлик балаю апәт сахта динларни вәйран қилиштин башлиниду (Мт 24:21; Вһ 17:16, 17). Бәлким, шу дәһшәтлик күнләрдә биз һөкүм хәвирини җакалаймиз (Вһ 16:21). Йәҗүҗ билән Мәҗүҗ, йәни Магог зиминидин чиққан Гог бизгә һуҗум қилиду (Әзк 38:10—12, 14—16). Өз хәлқини қутқузуш үчүн Һәммигә Қадир Худа улуқ күнини башлайду (Вһ 16:14, 16). Келәчәктики шу вақиәләргә тәқабил туруш үчүн, һазир дуч келиватқан синақларда садақәтмәнлигимизни сақлишимиз муһим.

МӘХСӘТКӘ ҚАНДАҚ ЙЕТӘЛӘЙСИЗ?

• Йәһва Худаниң жуқури әхлақий нормилирини җасурлуқ билән чиң тутуң (Йша 5:20).

• Етиқатдашлар билән ибадәт қилишни давамлаштуруң (Иб 10:24, 25).

• Йәһваниң тәшкилати бериватқан көрсәтмиләргә дәрру риайә қилиң (Иб 13:17).

• Өтмүштә Йәһва Худа Өз хәлқини қандақ қутқузғанлиғи тоғрилиқ чоңқур мулаһизә қилиң (Пт2х 2:9).

• Йәһва Худаға дуа қилиң вә Униңға тайиниң (Зб 112:7, 8).

«ҖАСАРӘТЛИК БОЛУШНИ ТӘЛӘП ҚИЛИДИҒАН ВАҚИӘЛӘР. ҮЗҮНДӘ» НАМЛИҚ ВИДЕОНИ КӨРҮП, ТӨВӘНДИКИ СОАЛЛАРҒА ҖАВАП БЕРИҢ:

• 

  Уларниң җамаити башқа җамаәт билән бирләштүрүлгәндә, етиқатдашларға бойсунуш немә үчүн қийин болған?

• 

  Бойсунуш арқилиқ җасаритимизни қандақ күчәйтәләймиз?

• 

  Армагедон кәлгәндә немә үчүн җасарәтлик болушимиз керәк?

• 

  Муқәддәс китаптики қайси вақиә Йәһва Худаниң бизни қутқузалайдиғанлиғиға ишәнчимизни мустәһкәмләйду? (Т2я 20:1—24)