Сиз Хатириләш мәрасимиға тәйярлиқ қиливатамсиз?

Әйса қатнашқан ахирқи Өтүп кетиш һейти әһмийәтлик болған. Униң өлүми йеқинлашқанлиқтин, у әлчиләр билән биллә Өтүп кетиш һейтини нишанлап, йеңи мәрасимни, Һакимдаримизниң кәчки зияпитини, уюштурған. Шуңа Әйса Петрус билән Йоһанға бир бөлмини тәйярлашқа буйриған (Лқ 22:7—13; муқавидики рәсимгә қараң.). Бизму 27-март күни болидиған Хатириләш мәрасимиға тәйярлиқ қилишимиз керәк. Адәттә җамаәт натиқни вә нан билән шарапни алдин-ала тәйярлайду. Лекин һәрбиримиз Хатириләш мәрасимиға қандақ тәйярлиқ қилалаймиз?

Жүригиңизни тәйяр қилиң. Хатириләш мәрасими алдида оқулидиған айәтләрни оқуп, чоңқур ойлиниң. Оқуш җәдвилини «Муқәддәс Язмиларни һәр күни тәтқиқ қилиш» китапчисидин тапалайсиз. Муқәддәс китапниң «Худа Сөзидики хәритиләрдә вә схемиларда» дегән қошумчисиниң 16-бөлүмидә көпирәк тәпсилий мәлумат бар (Шундақла «Һаятимиз вә хизмитимиз. Иш дәптири», 2020-жил, апрель саниға қараң.). Аиләвий ибадәттә үгиниш үчүн төләм тоғрилиқ мәлуматни «Күзитиш мунари әдәбиятлириниң көрсәткүчидин» (рус) яки «Йәһва гувачилириниң йол көрсәткүчидин» (рус) тепишқа болиду.

Башқиларни чақириң. Тәклип қилиш паалийитигә бар күчиңиз билән қатнишиң. Кимләрни чақиришқа болидиғанлиғи тоғрилиқ ойлиниң. Мәсилән, һәқиқәткә қизиққан адәмләр, бурун үгәнгән кишиләр яки уруқ-туққанлириңизни чақираламсиз? Ақсақаллар паалсиз болуп қалғанларни чақириши керәк. Сиз чақирмақчи болған адәм сиздин жирақ яшиса, у туридиған йәрдә Хатириләш мәрасиминиң өткүзүлидиған вақтини вә җайини jw.org торбетиниң баш бетидики БИЗ ҺӘҚҚИДӘ дегән бөлүмниң «Хатириләш мәрасими» дегән йеридин тапалайсиз.

Хатириләш мәрасимиға тәйяр болуш үчүн йәнә немә қилалаймиз?