Аял қериндашлар қандақ вәзипиләрни орунлалайду?

Аял қериндашлар Падишалиқ ишиға қошидиған һәссиси бәк әһмийәтлик (Зб 68:11; [67:12]). Улар нурғунлиған Муқәддәс китап үгинишлирини өткүзиду вә пионерларниң көпинчиси аял қериндашлар. Миңлиған аял қериндашлар еғир әмгәк қилмақта. Мәсилән, улар бәйтәлликләр, миссионерлар, қурулушқа қатнишидиған пидаийлар вә тәрҗиманлар болуп хизмәт қилиду. Йетилгән аял қериндашлар өз аилисини вә җамаәтни қоллап-қувәтләйду (П.н 14:1). Аял қериндашлар ақсақал яки хизмәт ярдәмчиси болалмисиму, роһий мәхсәтләрни қилалайду. Әгәр сиз аял қериндаш болсиңиз, қандақ мәхсәтләрни қойсиңиз болиду?

• Худаға яқидиған сүпәтләрни риваҗландуруш (Т1х 3:11; Пт1х 3:3—6)

• Тәҗрибиси аз аял қериндашларға ярдәм қилиш (Тт 2:3—5)

• Көпирәк хизмәт қилиш вә униң сапасини яхшилитиш

• Башқа тилни үгиниш

• Җакалиғучилар аз йәргә көчүп бериш

• Бәйтәлдә хизмәт қилиш яки қурулуш ишиға ярдәм бериш үчүн илтимас хетини толдуруш

• Падишалиқ вәз ейтқучилири үчүн мәктәптә оқуш үчүн илтимас хетини толдуруш

«ҺАКИМДАРИМИЗ ҮЧҮН АЙИМАЙ ӘМГӘК ҚИЛИВАТҚАН АЯЛ ҚЕРИНДАШЛИРИМИЗ» НАМЛИҚ ВИДЕОНИ КӨРҮП, ТӨВӘНДИКИ СОАЛҒА ҖАВАП БЕРИҢ:

• Бу үч қериндашниң сөзлири сизни қандақ илһамландуриду?