Немә үчүн сәясий бөлүнүшләр шунчә көпийип кәтти? Муқәддәс китап немә дәйду?

Дунияниң җай-җайлирида күндин-күнгә сәясий бөлүнүшләр көпийип кетиватиду. 2022-жили Пью тәтқиқат мәркизи (Pew Research Center) тәкшүрүш елип барған: «19 дөләттә елип барған тәкшүрүштә, қурамиға йәткәнләрниң 65 пронценти өз дөләтлиридә пәриқлиқ сәясий партияләрни қоллайдиған кишиләр арисида күчлүк яки интайин күчлүк талаш-тартишлар барлиғини ейтқан».

Сиз яшаватқан җайда сәясий бөлүнүшләр күндин-күнгә көпийип кетиватқанлиғини байқидиңизму? Немә үчүн бундақ ишлар йүз бериду? Бу бөлүнүшләрни һәл қилиш мүмкинму? Муқәддәс китап немә дәйдиғанлиғини көрүп бақайли:

Бөлүнүшкә сәвәп болидиған көзқарашлар

Муқәддәс китапта «ахир заман» дәп аталған бу дәвримиздә нурғун адәмләрниң инақ-иттипақлиқни бузидиған көзқарашларда болидиғанлиғи бәшарәт қилинған.

• «Ахир заманда интайин тәс вақитлар келиду. Инсанлар өзинила сөйидиған,... мурәссә қилишни халимайдиған» болиду (Тимотийға 2-хәт 3:1—3, ЙД).

Нурғун кишиләр қолидин келишичә тиришчанлиқ көрсәтсиму, һөкүмәтләрниң өз ролини оңушлуқ җари қилдуруши тәс боливатиду. Бир-биригә қарши сәясий көзқараштики адәмләрниң бирликтә қийинчилиқларни һәл қилалиши тәс, һәтта мүмкин әмәс. Бундақ нәтиҗиләр узун заманлар илгири Муқәддәс китапта ейтилғанларниң әмәлгә ашқанлиғини тәстиқләйду.

• «Адәм балиси адәм үстидин униң зияниға һөкүмранлиқ қилмақта» (Вәз 8:9).

Амма Муқәддәс китап бүгүнки күндики инсанларниң барлиқ қийинчилиқлириниң мәнбәсини йоқ қилалайдиған бири рәһбәрлик қилидиған һөкүмәтни тилға алған.

Көйүмчан вә лаяқәтлик рәһбәр

Муқәддәс Язмиларда өзгичә есил пәзиләтләргә егә болған бир рәһбәр тәсвирләнгән. Бу рәһбәр — Әйса Мәсиһтур. Униң барчә инсанларни инақ-иттипақлаштуруп, тинчлиққа ериштүрүш истиги, һоқуқи вә күч-қудрити бар.

• «Униң күнлиридә һәққаний гүллинип... пүткүл Аләмдә течлиқ һөкүм сүриду» (Зәбур 72:7).

• «Пүткүл хәлиқләр униңға хизмәт қилар» (Зәбур 72:11, ЙД).

Әйса Мәсиһ мукәммәл рәһбәр. Чүнки у инсанларға, болупму адаләтсизликкә учриғанларға ғәмхорлуқ қилип, ярдәм беришни халайду.

• «Чүнки у жиғлаватқан һәм ярдәм сориғанни қутулдуриду, ярдәмчиси йоқни азатқа чиқириду. Намратқа вә муһтаҗға ич ағритиду, кәмбәғәлләрниң җенини қутқузиду. Қуллуқ һәм зорлуқ-зомбилиқтин айриду» (Зәбур 72:12—14).

Әйса Мәсиһ һөкүмранлиқ қиливатқан Падишалиқ һәққидә көпирәк билим елиң. Униңдин башқа, бу Падишалиқниң сизни қандақ бәрикәткә ериштүридиғанлиғи вә уни қандақ қоллап-қувәтләшкә болидиғанлиғини биливелиң.

• «Худа Падишалиғи дегән немә?» дегән видеони көрүң.

• «Худа Падишалиғи — чириклик йоқ һөкүмәттур» намлиқ мақалини оқуң.