«Һаятимиз вә хизмитимиз. Иш дәптири» үчүн мәлумат мәнбәлири
5—11 ИЮЛЬ
ХУДА СӨЗИДИКИ ҒӘЗНӘ| ҚАНУН ШӘРҺИ 11, 12
«Йәһва Худа қандақ ибадәт қилишимизни халайду?»
it «Җан»
Җан
«Җан» буларниң һәммисини өз ичигә алса, немә үчүн улар айрим-айрим аталған? Буни чүшиниш үчүн бир мисални кәлтүрәйли. Адәм өзини, йәни җенини, қуллуққа сатса, у ғоҗайининиң мүлкигә айлиниду, лекин у ғоҗайинини рази қилиш үчүн бар җан-дили билән хизмәт қилмаслиғи мүмкин (Әфәс. 6:5; Кол. 3:22ни селиштуруң). Бу мисал бизни Йәһва Худаға хизмәт қилишқа дәвәт қилиду. Һә, Худаға җан-дилимиз билән хизмәт қилиш өзүмизни пүтүнләй Униңға беғишлашни билдүриду. Бу пүтүнләй адәмниң өзини билдүриду. Инсанниң Йәһваға пүтүн җени билән хизмәт қилиши униң Худаға пүтүн вуҗуди, йәни күчи, қабилийәтлири вә истәклири билән хизмәт қилишини өз ичигә алиду (Мәт. 5:28—30ни селиштуруң; Луқа 21:34—36; Әфәс. 6:6—9; Флп. 3:19; Кол. 3:23, 24).
it «Қурбангаһ»
Қурбангаһ
Исраилларда нурғунлиған қурбангаһниң орниға, ялғуз һәқиқий тирик Худа үчүн пәқәт бирла қурбангаһ болуши керәк еди. У Йәһва Худа таллиған орунда болуши зөрүр еди (Қ. шәр. 12:2—6, 13, 14, 27ни селиштуруң; Бабилда болса, әксинчә, пәқәт (Иштар аял илаһниң өзигә 180 қурбангаһ орни турғузулған). Иордан дәриясидин өткәндин кейин, уларға қурбангаһ орнини йонулмиған ташлардин ясашни буйриған (Қ. шәр. 27:4—8). Йәшуа бу қурбангаһ орнини Гевал теғида ясиған (Йәшуа 8:30—32).
Роһий гөһәрләрни издәйли
it «Гаризим теғи»
Гаризим теғи
Ениқки, Гаризим теғиниң етигидә турған қәбилиләр өз йөнилишидә оқулған бәрикәтләргә җавап бәргән вақитта, Гевал теғиниң етигидики қәбилиләр өз йөнилишидә оқулған ләнәтләргә җавап қайтурған.
12—18 ИЮЛЬ
ХУДА СӨЗИДИКИ ҒӘЗНӘ| ҚАНУН ШӘРҺИ 13—15
«Қанунда Йәһваниң кәмбәғәлләргә болған ғәмхорлуғи қандақ көрүнгән?»
it «Ондин бир қисми»
Ондин бир қисми
Йәттә жилниң һәрбир үчинчи вә алтинчи жилиниң ахирида (һәрбир йәттинчи жил Дәм елиш жили болған) хәлиқ ондин бир қисимни мәйрәмләрдә өз пайдиси үчүн қолланмай, шу йәрдә туридиған лавийларға, тулларға вә житим-йесирларға бәргән (Қ. шәр. 14:28, 29; 26:12).
it «Дәм елиш жили»
Дәм елиш жили
Дәм елиш жили Азатлиқ жили [ибр. хашшемитта] дәпму аталған (Қ. шәр. 15:9; 31:10). Бу жили йәргә һечнәрсә тәрмәй, у толуқ арам елиши керәк еди (Чиқ. 23:11). Шундақла адәмләр қәризлиридинму қутулуп, азат болатти. Йәһваниң көрсәтмиси бойичә, бу қәриздарни кәчүридиған вақит болған.
Қул
Ғоҗайини ибраний қулиға ялланма қулға қариғандәк қариши керәк еди (Чиқ. 21:2; Лав. 25:10; Қ. шәр. 15:12). Өзини чәт әлликкә, чәт әлликләр аилисидикиләргә яки көчмәнләргә қул қилип сатқан ибраний кишини һәрқандақ вақитта униң өзи яки сетивелиш һоқуқи бар адәм қайтидин сетивалалатти. Қанчә һәқ төлинидиғанлиғи хизмитиниң йәттинчи жилиға яки Азатлиқ жилиға қанчә жил қалғанлиғиға бағлиқ болған (Лав. 25:47—52; Қ. шәр. 15:12). Ибраний қул әркинликкә еришидиған вақитта, путиға туруп кетиш үчүн ғоҗайин уни қуруқ қол билән әвәтмәслиги керәк еди (Қ. шәр. 15:13—15).
Роһий гөһәрләрни издәйли
w06 1/4 31-б.
Оқурмәнләрниң соаллири
Чиқиш 23:19дики «оғлақни анисиниң сүтидә пишәрмигин» дегән қанундин немигә үгәнсәк болиду?
Яш өшкини яки башқа һайванатларни анисиниң сүтидә пишириш Йәһва Худаниң тәбиәттә орунлаштурған тәртипкә зит келиду. Худа аниниң сүтини балини озуқландурушиға вә униң өсүшигә ярдәм бериш үчүн бәргән. Өшкиниң гөшини анисиниң сүтидә пишириш, бир алимниң ейтишичә, «Худа ата-ана билән балиниң оттурисида орнатқан мунасивәткә һөрмәтсизлик қилғанға баравәр».
Униңдин башқа, бәзиләрниң ейтишичә, өшкиниң гөшини анисиниң сүтидә пишириш, бәлким ямғур яғдуруш үчүн қилинған диний ирим болған болуши мүмкин. Әгәр шундақ болса, бу қанун исраилларни әтраптики бутқа сәҗдә қилған хәлиқләрниң таш жүрәк вә рәһимсиз ишлиридин қоғдиған. Шундақ қилип, бу алаһидә қанунда Йәһва Худаниң көйүмчанлиғини көримиз.
Eниқки, Муса қануни пәқәт мурәккәп буйруқлар билән чәклимиләрдин ибарәт әмәс еди. Уларниң асасидики принциплар бизгә жуқуриқи әхлақий хисләтләрни риваҗландуруп, Йәһваниң әҗайип есил пәзиләтлирини әкс әттүрүшкә ярдәм бериду (Зәб. 19:7—11).
19—25 ИЮЛЬ
ХУДА СӨЗИДИКИ ҒӘЗНӘ| ҚАНУН ШӘРҺИ 16—18
«Адил сот қилиш үчүн принциплар»
it «Қарғулуқ»
Қарғулуқ
Парихорлуқ, соға елиш яки бир тәрәплимә қараш сотчиниң адил һөкүм чиқиришиға тосалғу болуши мүмкин. «Пара көрүдиғанларни қарғу қилиду» (Чиқ. 23:8). Сотчи қанчилик адил вә әқиллиқ болсиму, делоға четишлиқ кишиләрниң соғиси аңлиқ яки аңсиз тәсиригә учриши мүмкин. Худа қануни бизни соғиға алдинип қелишла әмәс, һис-туйғуға берилип натоғра қарар чиқириш тоғрилиқму агаһландуриду. Шуңа сотчи намратқа ич ағритип яки жутниң көзигә яхши көрүнгүси келип, байларға қарши һөкүм чиқармаслиғи керәк еди (Чиқ. 23:2, 3).
it «Санлар»
Санлар
Қандақту бир мәсилини сотниң алдиға қоюш үчүн, кам дегәндә икки яки үч гувачи керәк болған. Бу принципни мәсиһийләр җамаәттиму қоллиниду (Қ. шәр. 17:6; 19:15; Мәт. 18:16; Кор. 2-х. 13:1; Тим. 1-х. 5:19; Ибр. 10:28).
it «Роһанийлар»
Роһанийлар
Бирсиниң җәсити тепилип, бирақ уни ким өлтәргәнлиги бәлгүсиз болса, роһанийлар шәһәр ақсақаллириға сот ишини қараштурушқа ярдәм бериши керәк еди. Әгәр әр киши аялиниң вападар болғанлиғиға гуман қилса, уни муқәддәс чедирдики роһанийға елип келәтти. Роһаний Қанунда йезилған чариләрни ишқа салатти. Шу чағда Йәһва Худа аял кишиниң әйиплик яки әйиплик әмәс екәнлигини көрсәткән (Сан. 5:11—31).
Роһий гөһәрләрни издәйли
it «Қоғлаш»
Қоғлаш
Шундақ қилип, улар Худа қануниниң вә Исраил җамаитиниң паклиғини сақлашқа интилғанлиғини көрситәтти вә ойланмастин ялған гувалиқ бериштин нери болатти.
26-ИЮЛЬ — 1-АВГУСТ
ХУДА СӨЗИДИКИ ҒӘЗНӘ| ҚАНУН ШӘРҺИ 19—21
«Йәһва Худаниң көз алдида адәмниң һаяти қәдир-қиммәтлик»
w17.11 14-б., 4-абз.
Йәһваниң адалити билән рәһимигә тәқлит қилиң
4 Алтә панаһгаһ шәһиригә йетиш асан болған. Чүнки Йәһва Худа исраиллиқларға Иордан дәриясиниң икки тәрипидин үч шәһәрдин таллавелишни ейтқан. Немә сәвәптин? Шу чағда қачқун бу шәһәрләрниң биригә тез вә асан йетәләтти (Санлар 35:11—14). Бу шәһәрләргә апиридиған йоллар яхши һаләттә сақланған (Қанун шәрһи 19:3). Йәһудийларниң адити бойичә, қачқунларға панаһгаһ шәһирини тепиш асан болуш үчүн, йол бойида көрсәткүчләр орнитилған. Исраилда панаһгаһ шәһәрлири болғанлиқтин, бирсини байқимастин өлтүрүп қойған исраиллиқ ят йәргә берип, пана издәшкә мәҗбур болмай, сахта илаһларға сәҗдә қилишқа аздурулмиған.
w17.11 15-б., 9-абз.
Йәһваниң адалити билән рәһимигә тәқлит қилиң
9 Панаһгаһ шәһәрлириниң болушиниң асасий сәвәви исраиллиқларни бегуна адәмниң қенини төкүштин һимайә қилиш еди (Қанун шәрһи 19:10). Йәһва Худа һаятни қәдирләйду вә киши өлтүрүшни өч көриду (Пәнд-нәсиһәтләр 6:16, 17). Адил вә муқәддәс Худа болғанлиқтин, у һәтта байқимай өлтүрүп қойған адәмниң гунасиға сәл қаримайду. Қәстән өлтүрмигән адәмгә рәһим көрситилгәнлиги раст, амма у әң авал болған вәзийәтни ақсақалларға чүшәндүрүп бериши лазим болған. Ақсақаллар буниң тәсадипий әһвал болди дәп қарар қилса, қачқун панаһгаһ шәһиридә алий роһанийниң өлүмигичә яшиши керәк еди. Демәк, қачқун һаятиниң ахириғичә шу шәһәрдә яшишиға тоғра келиши мүмкин еди. Бу чарә һәммә исраиллиқларни һаятниң муқәддәс екәнлигини есиға салған. Һаят бәргүчини һөрмәтләш үчүн, улар башқиниң һаятиға хәвп туғдиридиған һәрқандақ нәрсидин нери туруши керәк болған.
it «Қан»
Қан
Әгәр бирси қериндишини өч көрсә, униңға өлүм тилигән вә униңға яла япқан яки униңға зиян кәлтүрүш үчүн ялған гувалиқ бәргән болса, бу қан төкүшкә баравәр иш болған (Лав. 19:16; Қ. шәр. 19:18—21; Йоһ. 1-х. 3:15).
Роһий гөһәрләрни издәйли
it «Сот»
Сот
«Дәрваза» дегән сөз шәһәр дәрвазисиниң алдидики очуқ җайни билдүриду. Шу йәрдә жиғилған хәлиққә қанун оқулатти, буйруқлар, көрсәтмиләр бериләтти (Нәһ. 8:1—3). Униңдин ташқири, мал-мүлүк сетилғанда яки башқа гражданлиқ мәсилиләр һәл қилинғанда, кирип-чиққан адәмләр көп болғанлиқтин, гувачиларни тепиш оңай болған. Шундақла сот хәлиқниң алдида очуқ өткүзүлгәнликтин, сотчилар адаләтсиз һөкүм чиқириштин қорқатти.
2—8 АВГУСТ
ХУДА СӨЗИДИКИ ҒӘЗНӘ| ҚАНУН ШӘРҺИ 22, 23
«Қанунда Йәһваниң һайванатларға болған ғәмхорлуғи қандақ көрүнгән?»
it «Жүк»
Жүк
Қедимда һайванатларға жүк ататти. Әгәр исраил киши уни өч көргән кишиниң ешиги жүк билән жиқилип қалғанлиғини көрсә, кетип қалмай, жүкини чүширип беришкә ярдәм қилиши керәк еди (Чиқ. 23:5).
it «Қанун шәрһи»
Қанун шәрһи
Қанун шәрһи китавида һайванатларға яхши муамилә қилиш керәклиги тоғрилиқ йезилған. Мәсилән, Қанун бойичә угисида тухум бесип олтарған қушни елишқа болматти, чүнки аниси балилирини қоғдаймән дәп, адәмләрниң қолиға асанла чүшүп қелиши мүмкин. Шу сәвәптин, қушни қалдуруп, балилирини елишқа рухсәт болған. Шу чағда аниси көп җүҗә бесип чиқиралатти (Қ. шәр. 22:6, 7).
w03 15/10 32-б., 1, 2-абз.
«Тәң әмәс боюнтуруққа четилип қалмаңлар»
Бир боюнтуруққа егизлиги вә салмиғи һәр түрлүк һайванатларни четишқа болматти. Һайванатларға болған ғәмхорлуғини көрситип, Худа исраилларға мундақ дегән: «Буқаң билән ешигиңни биргә четип ишләтмә» (Қанун шәрһи 22:6, 7).
Бир боюнтуруқта егизлиги вә салмиғи һәр түрлүк һайванатлар четилгән болса, аҗизирақ һайванат кәйнидин қелип қийнилиду, күчлүк җаниварға болса, көпирәк салмақ чүшиду.
Роһий гөһәрләрни издәйли
it «Қәриз, қәриздар»
Қәриз, қәриздар
Худаниң хәлқи исраилларға қәриз бәргәндә мәртликни көрситиши керәк еди вә пайда көрүшни көзлимәй, өсүмгә бәрмәслиги керәк еди (Чиқ. 22:25; Қ. шәр. 15:7, 8; Зәб. 37:26; 112:5). Лекин чәт әлликләр Исраилға адәттә сода-сетиқ үчүн вақитлиқ келәтти. Шуңа улар өсүмгә берилгән қәризни берәләтти, өзлириму башқиларға пулни өсүмгә берәтти.
9—15 АВГУСТ
ХУДА СӨЗИДИКИ ҒӘЗНӘ | ҚАНУН ШӘРҺИ 24—26
«Қанунда Йәһваниң аялларға болған ғәмхорлуғи қандақ көрүнгән?»
it «Аял киши»
Аял киши
Бу әр-аялға бала-чақилиқ болушқа мүмкинчилик берәтти. Йолдиши җәңгә кетип қалған чағда, болупму у җәңдә өлүп кәткән болса, аял кишигә балиси тәсәлли болатти (Қ. шәр. 20:7; 24:5).
it «Масақ териш»
Масақ териш
Бу қанун исраилларни сехий болушқа вә Йәһваға тайинишқа дәвәт қилған болсиму, кәмбәғәлләрни һорун болушқа үндимигән. Бу көрсәтмә Давутниң мону сөзлирини әслитиду: «һәққанийларниң ташливетилгәнлигини, яки пәрсәндлириниң нан тилигәнлигини әсла көргән әмәсмән» (Зәб. 37:25). Һәтта кәмбәғәлләрму тиришип әмгәк қилса, ач қалматти вә уларниң балилири тиләмчилик қилматти.
w11 1/3 23-б.
Сиз биләмсиз?
Боғазниң иш-һәрикәтлиридин өлүп кәткән әр кишиниң ака-укилири болмиса, униң аялини башқа бир туққини әмригә елиши керәклиги көрүниду (Рут 1:3, 4; 2:19, 20; 4:1—6).
Биринчи әсирдә яшиған тарихчи Иосиф Флавийниң ейтишичә, бу орунлаштуруш аилиниң исмини сақлапла қоймай, тул қалған аял кишигә көрситилгән ғәмхорлуқ болған. Шундақ некадин туғулған бала өлүп кәткән әр кишиниң мирасхори болған еди.
Роһий гөһәрләрни издәйли
it «Аҗришиш»
Аҗришиш
Қедимий Исраилда аҗришишқа йол қоймай, әр-аялни яраштурушниң йоллирини издигән тәйинләнгән әр кишиләр болған. Аҗришиш үчүн керәклик һөҗҗәтләрни тәйярлиқ қилишқа берилидиған вақит, йолдишиға өзиниң қарарини қарап чиқишқа мүмкинчилик берәтти. Униң аҗришишқа асаси болсиму, бу чарә уни ойланмастин қарар чиқармаслиққа ярдәм берәтти. Бу аялларниң һоқуқини қоғдиған вә уларға болған ғәмхорлуқ еди.
16—22 АВГУСТ
ХУДА СӨЗИДИКИ ҒӘЗНӘ | ҚАНУН ШӘРҺИ 27, 28
«Барлиқ мошу бәрикәтләр орунлиниду»
w10 15/12 19-б., 18-абз.
Йәһва Худани тиңшиғанлар көп бәрикәтләргә еришиду
18 Тиңшаш дегинимиз Худаниң сөзидә немә йезилғанларни вә садиқ һәм әқил-парасәтлик қул бериватқан роһий озуқларни чин жүрәктин қобул қилиш (Мәт. 24:45). Бу шундақла Худаға вә Униң Оғлиға бойсунушни билдүриду. Худаға қулақ селиш дегән Униң орнатқан тәртивигә, «һәдийәләр сүпитидә» берилгән җамаәт ақсақаллириға өз ихтияри билән бойсунушни билдүриду (Әфәс. 4:8).
w01 15/9 10-б., 2-абз.
Йәһваниң бәрикити Униң итаәтчан хизмәтчилириниң үстигә чүшиду
2 Йәһваниң хәлқи Униңға анда-санда қулақ салмай, әксинчә Уни тиңшаш уларниң һаят тәрзи болуши шәрт. Пәқәт шу чағдила уларниң үстигә бәрикәтләр чүшиду.
w10 15/9 8-б., 4-абз.
Йәһваниң бәрикитигә еришишкә тиришиң
4 Йәһва Худаға амал йоқтин бойсунсақ, һайванатлар билән җинлардин һеч айримчилиғимиз болматти. Шу чағда Униңға лайиқ һөрмәт көрсәтмигән болимиз (Марк 1:27; Яқуп 3:3). Чин жүрәктин бойсунушқа меһир-муһәббәт үндиши керәк. Биз Худаниң әмирлири еғир әмәслигини билгәнликтин вә Уни издигәнләрни мукапатлайдиғанлиғиға ишәнгәнликтин, Униңға хошаллиқ билән бойсунимиз (Ибр. 11:6; Йоһ. 1-х. 5:3).
Роһий гөһәрләрни издәйли
it «Чегарә»
Чегарә
Адәмниң һаяти йериниң үнимигә бағлиқ болғанлиқтин, бирсиниң чегарә бәлгүсини йөткәветиш униң тапқан киримини оғурлашқа тәң болған.
23—29 АВГУСТ
ХУДА СӨЗИДИКИ ҒӘЗНӘ | ҚАНУН ШӘРҺИ 29, 30
«Йәһва Худаға хизмәт қилиш қийин әмәс»
w09 1/11 31-б., 2-абз.
Йәһва бизгә таллаш әркинлигини бәргән
Йәһва Худа бизниң қолумиздин кәлмәйдиған нәрсини тәләп қилмайду. Униң тәләплири әқилгә мувапиқ, чүшинишкә оңай вә орунлашқа қийин әмәс. Қандақ һаят кәчүрүшимиз керәклиги тоғрилиқ Муқәддәс китапта ениқ йезилған (Мика 6:8).
w09 1/11 31-б., 1-абз.
Йәһва бизгә таллаш әркинлигини бәргән
Йәһва Худа бизгә таллаш әркинлигини бәргән, демәк қандақ һаят кәчүридиғанлиғимизни өзүмиз таллаймиз. Йәһва бизгә әң яхши нәрсиләрни тиләйду, Шу сәвәптин Өз Сөзидә тоғра қарар қилишимиз үчүн немә қилиш керәклигини язған.
w09 1/11 31-б., 4-абз.
Йәһва бизгә таллаш әркинлигини бәргән
Һаятни таллаш дегән немә? Әгәр биз Йәһвани яхши көрсәк, Уни чин қәлбимиздин тиңшашни халаймиз вә қандақ вәзийәт болмисун вападар болуп қалимиз. Шундақ қилип, мәңгү һаятқа ериштүридиған әң яхши йолни таллаймиз (Пет. 2-х. 3:11—13; Йоһ. 1-х. 5:3).
Роһий гөһәрләрни издәйли
it «Қулақ»
Қулақ
Йәһва Худа Өзиниң хизмәтчилири арқилиқ вапасиз исраилларниң «қулақлири хәтнә қилинмиған» дәп агаһландурған (Йәр. 6:10; Әлч. 7:51). Көчмә мәнада ейтқанда, уларниң қулақлири пүтүп кәткән. Йәһва уларниң қулақлирини ачмиған, сәвәви улар өзлири Уни аңлашқа вә ейтқанлирини чүшинишкә һәрикәт қилмиған. Йәһва Уни издигәнләрниң қулақлирини ачиду, тил алмиғанларниң қулақлирини болса, йепиқ петичә қалдуриду (Қ. шәр. 29:4; Рим. 11:8).
30-АВГУСТ — 5-СЕНТЯБРЬ
ХУДА СӨЗИДИКИ ҒӘЗНӘ | ҚАНУН ШӘРҺИ 31, 32
«Мусаниң нахшисидики мисаллардин немини билимиз»
w20.06 10-б., 8, 9-абз.
«Исмиңдин әйминишим үчүн, қәлбимни пүтүн қилғайсән»
8 Исраиллар Вәдә қилинған зиминға кириш алдида, Йәһва Худа Өзи Мусаға нахша сөзлирини үгәткән (Қ. шәр. 31:19). У бу нахша сөзлирини адәмләргә үгәткән (Қанун шәрһи 32:2, 3ни оқуң). Бу шеир һәққидә ойлансақ, Йәһваниң исми шунчә бәк муқәддәс болсиму, У Өз исмини йошурушини халимайдиғанлиғини ениқ көрүп йетәләймиз. Тәңри Йәһва Өз исмини барчә инсан вә пәриштиләрниң билишини халайду. Мусаниң бу нахшида Худаниң исми һәққидә үгәткәнлирини аңлаш исраиллар үчүн немә дегән шан-шәрәп-һә! Мусаниң тәлимлири худди сим-сим ямғур өсүмлүкләрниң өсүшигә ярдәм бәргәндәк, уларниң етиқадини күчәйткән вә уларни илһамландурған. Бизму Мусаға охшаш тәлим бериватимизму?
9 Өйму-өй яки аммивий орунларда вәз қилғанда, Муқәддәс китаптин Худаниң исмини адәмләргә көрситәләймиз. Уларға Йәһва Худани мәдһийиләйдиған әҗайип әдәбиятларни, видеоларни вә торбетимиздики мәлуматларни көрситәләймиз. Ишта, мәктәптә, сәяһәт қилғанда, пурсәт тепип кишиләргә көйүмчан Атимиз Йәһва вә У қандақ Худа екәнлиги һәққидә ейталаймиз. Адәмләргә Яратқучимизниң келәчәктә инсанийәт вә йәр йүзи үчүн қилидиған әҗайип ишлири тоғрисида ейталаймиз. Йәһваниң бизни бәкму яхши көридиғанлиғини аңлиғанда, улар үчүн йеңилиқ болуши мүмкин. Башқиларға көйүмчан Атимиз тоғрисида һәқиқәтни ейтсақ, Униң исминиң муқәддәс қилишиға өз һәссимизни қошумиз. Биз адәмләрниң Худа тоғрисида илгири үгинип кәлгән тәлимлириниң сахтилиғини чүшинип йетишигә ярдәм берип, Униңға қилинған төһмәтни йоққа чиқиралаймиз. Биз Муқәддәс китаптин уларниң көңлини қанаәт тапқузидиған вә илһам тәсәлли беридиған тәлимләрни бериватимиз (Йәшая 65:13,14).
w09 1/5 14-б., 4-абз.
Сиз Муқәддәс китаптики образлиқ мәнадики сөзләрни чүшинәмсиз?
Худди чоң бир таш мустәһкәм қоюлған вә уни йөткигили болмайдиғандәк, Йәһва Худаму сиз үчүн бехәтәрликниң мәнбәси болалайду.
w01 1/10 9-б., 7-абз.
Балилириңларни үгәткәндә, Йәһва Худани үлгә қилиң
7 Балилириға учушни үгитиш үчүн, ана бүркүт «җүҗилирини чақирип», қанитини қеқип балилирини учушқа үндәйду. Адәттә бүркүтләр угисини егиз бир қорам ташниң үстигә салиду. Җүҗә ахири угидин учқанда, аниси дайим униң үстидә «қанатлирини йейип» учиду. Әгәр җүҗиси йәргә урулғидәк болса, ана бүркүт уни қанитиға «елип пәрваз қилиду». Шуниңға охшаш, Йәһва Худаму йеңидин пәйда болған Исраил хәлқигә ғәмхорлуқ қилған. Худа уларға Тәврат қанунини бәргән (Зәб. 78:5—7). Исраиллар қийинчилиққа йолуққанда, Йәһва Худа қутқузушқа тәйяр болуп, Өз хәлқини һимайә қилған.
Роһий гөһәрләрни издәйли
w04 15/9 27-б., 12-абз.
Қанун шәрһи китавидики қизиқ ой-пикирләр
31:12: Яшлар җамаәт учришишлирида чоңлар билән биллә олтирип, диққәт билән тиңшап, үгинишкә тиришиши керәк.