Худа Падишалиғи Муқәддәс китапниң асасий мавзуси. Йәһва Худа бу Падишалиқни ишлитип, Өзиниң йәр йүзи үчүн қилған әсли ирадисини әмәлгә ашуриду. Падишалиқ дегән немә? У һазир һөкүм сүрүватқанлиғини қәйәрдин билимиз? У аллиқачан немиләрни әмәлгә ашурди вә келәчәктә немә қилиду? Мошу вә кейинки дәристә бу соалларға җавап тапимиз.

1. Худа Падишалиғи дегән немә вә униң Падишаси ким?

Худа Падишалиғи Яратқучи Йәһва тиклигән һөкүмәт. Әйса Мәсиһ униң Падишаси, у асманда һөкүмранлиқ жүргүзиду (Мәтта 4:17; Йоһан 18:36). Муқәддәс китапта Әйса Мәсиһ һәққидә, у Падиша болуп, мәңгү һөкүмранлиқ қилиду дәп йезилған (Луқа 1:32, 33). Худа Падишалиғиниң Падишаси Мәсиһ Әйса йәр йүзидики инсанлар үстидин һөкүмранлиқ қилиду.

2. Падиша Әйса билән кимләр һөкүмранлиқ қилиду?

Әйса Мәсиһ ялғуз һөкүмранлиқ қилмайду. Һәр қәбилә, тил, милләт вә һәр хәлиқтин талланған инсанлар падишалар сүпитидә йәр йүзи үстидин һөкүмранлиқ қилиду (Вәһий 5:9, 10). Әйса Мәсиһ билән бирликтә һөкүмранлиқ қилидиғанларниң сани қанчә? Һәзрити Әйса йәр йүзигә кәлгәндин башлап, миллионлиған кишиләр униң әгәшкүчиси болған. Бирақ пәқәт 144 000 киши униң билән бирликтә асманда һөкүмранлиқ қилиду (Вәһий 14:1—4ни оқуң). Әйса Мәсиһниң йәр йүзидики башқа барлиқ әгәшкүчилири Худа Падишалиғиниң пухралири болиду (Зәбур 37:29).

3. Немә үчүн Худаниң Падишалиғи инсанлар қурған һөкүмәтләрдин яхши?

Гәрчә бәзи һөкүмәт әмәлдарлири яхширақ һөкүмранлиқ қилишқа тиришсиму, амма уларниң ишларни өзлири халиғандәк қилишқа күч-қудрити йәтмәйду. Дуниядики әң яхши һөкүмранларниң орнини һаман бир күни башқа һөкүмранлар алиду. Бәлким, улар шәхсийәтчи болуп, өз пухралириниң мәнпәитини көздә тутмайду. Амма Худа Падишалиғиниң падишаси Әйсаниң орнини һечким алалмайду. Худа мәңгү жиқилмайдиған бир Падишалиқни тикләйду (Даниял 2:44). Әйса Мәсиһ пүткүл йәр йүзи үстидин һөкүмранлиқ жүргүзиду. У бирини яхши көрүп, башқилирини чәткә қақмайду, әксичә һәммисини тәң көриду. Әйса меһрибан, ақ көңүл вә адил Падиша. У адәмләргиму ақ көңүл, меһрибан, адил муамилә қилишни үгитиду (Йәшая 11:9ни оқуң).

4. Худа Падишалиғи пүткүл йәр йүзи үстидин һөкүмранлиқ қилиду

Инсанийәт тарихида һечқандақ һөкүмран Әйса Мәсиһкә охшаш күчлүк һөкүмран болалмиған. Мәтта 28:18ни оқуң, кейин төвәндики соалға җавап бериң:

• Әйса Мәсиһниң һоқуқи башқа барлиқ һөкүмранларниң һоқуқидин қандақ үстүн туриду?

Инсанлар қурған һөкүмәтләр дайим алмишип туриду. Һәрбири йәр йүзиниң пәқәт мәлум бир қисмини башқуриду. Ундақта, Худа Падишалиғичу? Даниял 7:14ни оқуң, кейин төвәндики соалларға җавап бериң:

• Худа Падишалиғиниң мәңгү мәвҗут болуп туруши немә үчүн яхши?

• Бу Падишалиқниң пүткүл йәр йүзи үстидин һөкүмранлиқ қилиши немә үчүн яхши?

5. Худа Падишалиғи инсанлар қурған һөкүмәтләрниң орнини алиду

Немә үчүн Худа Падишалиғи чоқум инсанлар қурған һөкүмәтләрниң орнини алиду? ВИДЕОНИ көрүң, кейин төвәндики соал үстидә ойлинип көрүң.

ВИДЕО: «Худа Падишалиғи дегән немә? Үзүндә» (1:41)

• Инсанларниң һөкүмранлиғи қандақ нәтиҗә елип кәлди?

Вәз 8:9ни оқуң, кейин төвәндики соалларға җавап бериң:

• Сизниңчә, Худа Падишалиғи инсанлар қурған һөкүмәтләрниң орнини елиши керәкму? Немә үчүн?

6. Худа Падишалиғиниң һөкүмранлири бизни чүшиниду

Падишайимиз Әйса Мәсиһ йәр йүзидә инсан болуп яшиған. Шуңа у аҗизлиқлиримизға һисдашлиқ қилалайду (Ибранийларға 4:15). Йәһва Худа һәр қәбилә, тил вә милләт кишилири арисидин таллиған 144 000 садақәтмән әрләр вә аяллар Падиша Әйса билән бирликтә һөкүмранлиқ қилиду (Вәһий 5:9).

• Падиша Әйса вә униң билән һөкүмранлиқ қилидиғанлар, йәр йүзидә яшиған инсанларниң түрлүк иссиқ-соғларни баштин өткүзидиғанлиғини билиду. Бу сизгә тәсәлли берәмду? Немә үчүн?

7. Худа Падишалиғиниң қанунлири мукәммәл

Адәттә һөкүмәтләр өз пухралириниң пайда-мәнпәитини көзләп, уларни қоғдаш үчүн қанунларни чиқириду. Худди шуниңдәк, Худа Падишалиғиниң қанунлириғиму униң пухралири чоқум бойсунуши керәк. Коринтлиқларға 1-хәт 6:9—11ни оқуң, кейин төвәндики соалларға җавап бериң:

• Әгәр һәммила адәм Худа чиқарған қанунларға әмәл қилса, сизниңчә, бу дуния қандақ болидуa?

• Худа Өз хәлқидин қанунларға бойсунушни тәләп қилиду. Сизниңчә, Униң шундақ тәләп қилиш һоқуқи барму?

• Муқәддәс китапқа асасланғанда, Худаниң қануниға бойсунмиғанларниң өзгириши мүмкинму? (11-айәтни көрүң.)

ХУЛАСӘ

Худа Падишалиғи — йәр йүзи үстидин һөкүмранлиқ қилидиған асмандики һәқиқий һөкүмәт.

Тәкрарлаш

• Худа Падишалиғиниң һөкүмранлири кимләр?

• Немә үчүн Худа Падишалиғи инсанлар қурған һөкүмәтләрдин яхши?

• Йәһва Худа Өз Падишалиғиниң пухралиридин немини тәләп қилиду?

ИЗДИНИП КӨРҮҢ

Худа Падишалиғи қәйәрдә? Әйса Мәсиһниң бу һәққидә немә дегәнлигини биливелиң.

«Худа Падишалиғи зади қәйәрдә?» (Торбәттики мақалә)

Йәһва гувачилири үчүн Худа Падишалиғиға садиқ болуш немә үчүн һәрқандақ нәрсиләрдин муһимирақ?

«Худа Падишалиғиға садиқ қалғанлар» (1:43)

Йәһва Худаниң 144 000 кишини Әйса Мәсиһ билән бирликтә һөкүмранлиқ қилишқа таллайдиғанлиғи һәққидә Муқәддәс китап немә дәйдиғанлиғини биливелиң.

«Кимләр асманға чиқиду?» (Торбәттики мақалә)

Дунияда адаләтни пәқәт Худа орниталайдиғанлиғиға түрмидики бир аялни немә ишәндүргән?

«Адаләтсизликниң йоқ қилинидиғанлиғини билдим» («Ойғиниш!» 2011-жил, ноябрь)

1914-жили Худа Падишалиғи асманда һөкүмранлиқ қилишқа башлиған. Шу вақиттин башлап, инсанларниң һөкүмранлиғи ахирқи күнлиригә қәдәм басқан. Буни нәдин билимиз? Муқәддәс китапниң ахирқи күн һәққидә немә дегәнлигини көрәйли. Кейин 1914-жилдин башлап, дуния вәзийити вә инсанларниң миҗәз-хулқида қандақ өзгиришләр болғанлиғини муһакимә қилимиз.

1. Муқәддәс китапта немиләр алдин-ала йезилған?

Муқәддәс китапниң Даниял китавида йәттә дәвир дәп аталған бир мәзгил вақит ахирлашқанда, Худа Падишалиғи һөкүмранлиқ қилишни башлайдиғанлиғи бәшарәт қилинған (Даниял 4:16, 17). Нәччә йүз жилдин кейин Әйса Мәсиһ ушбу вақитни хәлиқләргә бәлгүләп берилгән вақит дәп атиған вә у шу вақитниң техи ахирлашмиғанлиғини ейтқан (Луқа 21:24). Биз бу дәристә шу йәттә дәвирниң 1914-жили ахирлишидиғанлиғини көрүмиз.

2. 1914-жилдин башлап, дуния вәзийити вә инсанларниң миҗәз-хулқида қандақ өзгиришләр болди?

Әйса Мәсиһниң шагиртлири униңдин: «Сениң һазир болушуңни вә заман ахириниң келишини билдүридиған қандақ аламәтләр болиду?»— дәп сориған (Мәтта 24:3, ЙД). Буниңға җавап берип, Әйса Мәсиһ асманда Худа Падишалиғиниң Падишаси сүпитидә һөкүмранлиқ қилишни башлиғандин кейин йүз беридиған нурғун ишларни ейтип бәргән. Уларниң бәзилири уруш, ачарчилиқ вә йәр тәврәшләрни өз ичигә алиду (Мәтта 24:7ни оқуң). Униңдин башқа, Муқәддәс китапта заманниң ахирида адәмләрниң миҗәз-хулуқлири өзгирип, һаят кәчүрүш адәттин ташқири қийин болидиғанлиғи алдин-ала ейтилған еди (Тимотийға 2-хәт 3:1—5). 1914-жилдин башлап дунияниң вәзийити вә адәмләрниң миҗәз-хулуқлирида һәқиқәтән көп өзгиришләр болушқа башлиған.

3. Немә үчүн 1914-жилдин башлап, дунияниң вәзийитидә шунчә зор өзгиришләр болди?

Мәсиһ Әйса Худа Падишалиғида Падиша болуп, узун вақит өтмәй, асманда Шәйтан вә униң җинлириға қарши җәңгә атланған. Шәйтан бу җәңдә мәғлуп болған. Муқәддәс китап Шәйтан вә униң җинлири йәр йүзигә ташланди дәйду (Вәһий 12:9, 10, 12). Шәйтан өзиниң һалак болидиғанлиғини билгәчкә, қаттиқ ғәзәпләнгән. Шуңа пүткүл йәр йүзидә азап-оқубәтләр вә қайғу-һәсрәтләрни пәйда қиливатиду. Демәк, дуния вәзийитиниң бундақ начар болуп кетиши һәргизму һәҗәплинәрлик әмәс. Амма Худа Падишалиғи һәммә қийинчилиқларни йоқ қилиду.

ЧОҢҚУРИРАҚ ҚЕЗИҢ

4. Муқәддәс китаптики бәшарәтләр 1914-жилни көрситиду

ВИДЕО: «Худа Падишалиғи 1914-жили һөкүмранлиқ қилишни башлиди» (5:02)

Худа қедимий заманда Бабил падишаси Небуқаднисарға бир чүшни көрситип, кәлгүсидә немә ишларниң болидиғанлиғини ашкарилиған еди. Әгәр биз чүшниң мәзмуниға вә Даниялниң чүшәндүрүшигә қарисақ, бу чүш Небуқаднисарниң һөкүмранлиғи биләнла әмәс, бәлки Худаниң Падишалиғи биләнму бағлинишлиқ екәнлигини билимиз (Даниял 4:17ни оқуң).a

Даниял 4:20—26ни оқуң, кейин рамкидин пайдилинип, төвәндики соалларға җавап бериң:

• (А) Небуқаднисар чүшидә немә көргән? (20, 21-айәтләрни көрүң.)

• (Ә) Әшу чүштики чоң дәрәққә немә болуши керәк еди? (23-айәтни көрүң.)

• (Б) «Йәттә дәвир» ахирлашқандин кейин немә иш йүз бериши керәк еди? (26-айәтни көрүң.)

Чүштики дәрәқ билән Худа Падишалиғиниң қандақ мунасивити бар?

БӘШАРӘТ (Даниял 4:20—36)

Һөкүмранлиқ

(A) Ғайәт зор дәрәқ

Һөкүмранлиқ тохтап қалған

(Ә) Дәрәқ кесилиши вә йәттә дәвир өтүп кетиши керәк еди

Һөкүмранлиқ жүргүзүш әслигә кәлди

(Б) Падишалиғиң өзүңгә қайтуруп берилиду

Бәшарәтләрниң биринчи қетим әмәлгә ешиши...

• (В) Шу дәрәқ кимгә вәкиллик қилған? (22-айәтни көрүң.)

• (Г) Небуқаднисарниң һөкүмранлиғи қандақ тохтап қалған (Даниял 4:29—33ни оқуң).

• (Ғ) Йәттә дәвир ахирлашқанда, Небуқаднисарға немә болған? (Даниял 4:34—36ни оқуң).

БИРИНЧИ ҚЕТИМ ӘМӘЛГӘ ЕШИШИ

Һөкүмранлиқ

• (В) Бабилниң падишаси Небуқаднисар

Һөкүмранлиқ тохтап қалған

• (Г) Миладидин илгирики 606-жилдин кейин Небуқаднисар әқил-һошини йоқитип, 7 жил һөкүмранлиқ қилалмиған

Һөкүмранлиқ жүргүзүш әслигә кәлди

• (Ғ) Небуқаднисар әқил-һошиға келип, қайтидин һөкүмранлиқ қилишни башлиған

Бәшарәтләрниң иккинчи қетим әмәлгә ешиши...

• (Д) Дәрәқ кимгә вәкиллик қилған? (Тарихнамә 1-язма 29:23ни оқуң).

• (Е) Әшу падишаларниң һөкүмранлиғи қандақ тохтап қалған? Әйса Мәсиһ йәр йүзидә болғанда, уларниң һөкүмранлиқ қилмиғанлиғини қандақ билимиз? (Луқа 21:24ни оқуң).

• (Ж) Бу һөкүмранлиқ қачан вә қәйәрдә қайта әслигә кәлтүрүлгән?

ИККИНЧИ ҚЕТИМ ӘМӘЛГӘ ЕШИШИ

Һөкүмранлиқ

(Д) Исраил падишалири Худаға вәкиллик қилип, һөкүмранлиқ жүргүзгән

Һөкүмранлиқ тохтап қалған

(Е) Йерусалим вәйран қилинғандин кейинки 2520 жил җәриянида исраилларниң падишалири Худаға вәкиллик қилип, һөкүмранлиқ қилмиған

Һөкүмранлиқ жүргүзүш әслигә кәлди

(Ж) Худа Падишалиғиниң Падишаси сүпитидә Әйса Мәсиһ асманда һөкүмранлиқ жүргүзүшни башлайду

5. Дуния 1914-жилдин башлап өзгәрди

ВИДЕОНИ көрүң.

ВИДЕО: «Дуния 1914-жилдин башлап өзгәрди» (1:10)

Әйса Мәсиһ Падиша болғандин кейин, дуния вәзийитиниң өзгиридиғанлиғи бәшарәт қилинған. Луқа 21:9—11ни оқуң, кейин төвәндики соалға җавап бериң:

• Бу айәтләрдә тәсвирләнгән қайси әһвалларни өз көзүңиз билән көрдиңиз яки аңлидиңиз?

Әлчи Паул инсанларниң һөкүмранлиғиниң ахирқи күнлиридә уларниң миҗәз-хулуқлириниң қандақ өзгиридиғанлиғини тәсвирлигән. Тимотийға 2-хәт 3:1—5ни оқуң, кейин төвәндики соалға җавап бериң:

• Күндилик турмушиңизда бу айәтләрдә тәсвирләнгән қандақ адәмләрни учраттиңиз?

6. Худа Падишалиғиға ишинидиғанлиғиңизни көрситиң

Мәтта 24:3, 14ни оқуң, кейин төвәндики соалларға җавап бериң:

• Қайси муһим хизмәт Худа Падишалиғиниң һазир һөкүмранлиқ жүргүзүватқанлиғини көрситиду?

• Бу хизмәткә өз һәссиңизни қошуш үчүн немә қилалайсиз?

Худа Падишалиғи һазир һөкүмранлиқ қиливатиду. Пат арида пүткүл йәр йүзи үстидин һөкүмранлиқ қилиду. Ибранийларға 10:24, 25ни оқуң, кейин төвәндики соалға җавап бериң:

• Шу күнниң йеқинлап келиватқанлиғини көргән екәнмиз, биз чоқум немә қилишимиз керәк?

ХУЛАСӘ

Муқәддәс китаптики бәшарәтләр, тарих вә дуния вәзийити һазир Худа Падишалиғи һөкүмранлиқ қиливатқанлиғини испатлайду. Булар һәққидә вәз қилиш вә җамаәт учришишлириға қатнишиш арқилиқ буниңға ишинидиғанлиғимизни көрситимиз.

Тәкрарлаш

• Даниял китавида тилға елинған йәттә дәвирниң ахирида немә иш йүз бериду?

• Худа Падишалиғи 1914-жили һөкүмранлиқ қилишқа башлиғанлиғиға сизни немә ишәндүриду?

• Худа Падишалиғи һазир һөкүмранлиқ қиливатқанлиғиға ишинидиғанлиғиңизни көрситиш үчүн немә қилалайсиз?

ИЗДИНИП КӨРҮҢ

1914-жилдин бу ян дуниядики өзгиришләр һәққидә тарихшунаслар вә башқилар немиләрни язғанлиғини биливелиң.

«Адәмләрниң әдәп-әхлақи бузулуп кәтти» («Ойғиниш!» 2007-жил, апрель)

Мәтта 24:14-айәттики бәшарәтниң бир кишигә қандақ тәсир қилғанлиғини оқуп беқиң.

«Һаятимни бейсболға беғишлиған едим» («Күзитиш мунари» 2017-жил, 3-сан)

Даниял китави 4-баптики бәшарәтниң Худа Падишалиғи билән бағлиниши барлиғини биливелиң.

«Худа Падишалиғи һөкүмранлиқ қилишни қачан башлиған? 1-қисим» («Күзитиш мунари» 2014-жил, 1-октябрь)

Даниял китави 4-бапта тилға елинған йәттә дәвирниң 1914-жили ахирлашқанлиғини қандақ билимиз?

«Худа Падишалиғи һөкүмранлиқ қилишни қачан башлиған? 2-қисим» («Күзитиш мунари» 2014-жил, 1-ноябрь)

Худа Падишалиғи аллиқачан һөкүмранлиқ қиливатиду. Пат арида уйәр йүзидә чоң өзгиришләрни қилиду. Худа Падишалиғиниң һөкүмранлиғи астида кәлгүсидә қандақ ишлар әмәлгә ашиду? Уларниң бирқанчисини көрүп бақайли.

1. Худа Падишалиғи йәр йүзидә тинчлиқ вә адаләтни қандақ әслигә кәлтүриду?

Худа Падишалиғиниң Падишаси Әйса Мәсиһ Армагедон урушида барлиқ рәзил кишиләрни вә һөкүмәтләрни йоқ қилиду (Вәһий 16:14, 16). Шу вақитта Муқәддәс китаптики мону бәшарәт пүтүнләй әмәлгә ашиду: «Йәнә аз вақит... рәзил қалмайду» (Зәбур 37:10). Әйса Мәсиһ Худа Падишалиғи арқилиқ йәр йүзидә тинчлиқ вә адаләтни орнитиду (Йәшая 11:4ни оқуң).

2. Худаниң ирадиси йәр йүзидә әмәлгә ашқанда, инсанлар қандақ яшайду?

Худа Падишалиғиниң һөкүмранлиғи астида: «Һәққанийлар йәрни мирасқа елип, Униңда әбәдил-әбәт яшайду» (Зәбур 37:29). Йәһва Худани вә бир-бирини яхши көридиған һәққаний адәмләр билән толған дунияда яшашни тәсәввур қилип беқиң! Һечким кесәл болмайду, һәммә киши мәңгү яшайду.

3. Рәзилләр йоқитилғандин кейин, Худа Падишалиғи немә қилиду?

Рәзил кишиләр йоқитилғандин кейин, Әйса Мәсиһ 1000 жил падишалиқ қилиду. Шу мәзгилдә Әйса Мәсиһ вә униң билән һөкүмранлиқ қилидиған 144 000 киши йәр йүзидики инсанларниң мукәммәл болуп, гунасидин пүтүнләй азат болушиға ярдәм бериду. 1000 жил ахирлашқанда йәр йүзи гөзәл җәннәткә айлиниду. Худаниң қануниға бойсунған кишиләр шат-хорам турмуш кәчүриду. Кейин һәзрити Әйса Падишалиқни өз Атиси Йәһва Худаға қайтуруп бериду. Шуниң билән Худаниң исми һәрқандақ вақитқа қариғанда, техиму муқәддәс болиду (Мәтта 6:9, 10). Униңдин башқа, Йәһва Худаниң Өз хәлқигә ғәмхорлуқ қилидиған яхши бир һөкүмран екәнлиги испатлиниду. Униңдин кейин, Йәһва Худа Өзиниң һөкүмранлиғиға қарши чиққан Шәйтанни, униң җинлирини вә башқа барлиқ исиянчиларни йоқ қилиду (Вәһий 20:7—10). Худа Падишалиғи бәрпа қилған мукәммәл шараитлар мәңгү давам қилиду.

ЧОҢҚУРИРАҚ ҚЕЗИҢ

4. Худа Падишалиғи инсанларниң һөкүмәтлирини йоқ қилиду

«Адәм балиси адәм үстидин униң зияниға һөкүмранлиқ қилмақта» (Вәз 8:9). Худа Өз Падишалиғи арқилиқ бу адаләтсизликни пүтүнләй йоқ қилиду.

Даниял 2:44 вә Салоникилиқларға 2-хәт 1:6—8ни оқуң, кейин төвәндики соалларға җавап бериң:

• Йәһва Худа вә Әйса Мәсиһ инсанлар қурған һөкүмәтләрни вә уларни қоллап-қувәтләйдиғанларни қандақ бир тәрәп қилиду?

• Йәһва Худа вә Әйса Мәсиһ һәққидә алған билимлириңиз сизни уларниң адил вә һәққаний иш қиливатқанлиғиға ишәндүрәмду?

5. Әйса Мәсиһ Падиша болушқа әң лайиқ

Худа Падишалиғиниң Падишаси Әйса Мәсиһ бу Падишалиқниң йәр йүзидики пухралириға бәрикәтләрни төкиду. Һәзрити Әйсаниң адәмләргә ярдәм беришни халайдиғанлиғини вә Худа униңға шундақ қилиш үчүн күч-қудрәт бәргәнлигини билиш үчүн ВИДЕОНИ көрүң.

ВИДЕО: «Худа Падишалиғи немә қилидиғанлиғини Әйса көрсәткән» (1:13)

Әйса Мәсиһ йәр йүзидә болғанда, Худа Падишалиғи кәлгүсидә немә ишларни әмәлгә ашуридиғанлиғини алдин-ала көрсәткән. Бу йәрдә көрситилгән бәрикәтләрдин қайсисини көрүшкә тәшна болуватисиз? Шу бәрикәтләр билән мунасивәтлик айәтләрни оқуң.

6. Худа Падишалиғи гөзәл келәчәккә ериштүриду

ВИДЕО: «Әҗайип гөзәл келәчәккә нәзәр» (4:38)

Зәбур 145:16ни оқуң, кейин төвәндики соалға җавап бериң:

• Яратқучиниң барлиқ җанлиқларниң тәшналиғини қандуриду. Буни билгәндә, өзүңизни қандақ һис қилдиңиз?

ХУЛАСӘ

Худа Падишалиғи Униң ирадисини әмәлгә ашуруп, пүткүл йәр йүзини җәннәткә айландуриду. Йәр йүзидә һәққаний адәмләр яшайду вә улар Йәһва Худаға мәңгү ибадәт қилиду.

Тәкрарлаш

• Худа Падишалиғи Худаниң исмини қандақ муқәддәс қилиду?

• Немә үчүн Муқәддәс китапта тилға елинған вәдиләрни Худа Падишалиғи әмәлгә ашуридиғанлиғиға ишинәләймиз?

• Худа Падишалиғи, болупму, қайси вәдини әмәлгә ашурғанлиғини өз көзүңиз билән көрүшкә тәшна болуватисиз?

ИЗДИНИП КӨРҮҢ

Армагедон немини билдүридиғанлиғини биливелиң.

«Армагедон уруши дегән немә?» (Торбәттики мақалә)

Әйса Мәсиһ «чоң балаю апәт» дәп атиған мәзгилдә немиләр йүз беридиғанлиғини биливелиң (Мәтта 24:21).

«“Дәһшәтлик чоң балаю апәт” дегинимиз немә?» (Торбәттики мақалә)

Бир аилиниң Худа Падишалиғи қандақ бәрикәтләргә ериштүридиғанлиғини тәсәввур қиливатқанлиғини көрүң.

«Өзүңизни җәннәттә тәсәввур қилиң» (1:50)

«Йешилмигән түгүнчиләрдәк нурғун соаллирим бар еди» дегән мақалидин һөкүмәткә қарши сәясий паалийәтчи ахири дуниядики мәсилиләрни һәл қилишниң чарисини қандақ тапқанлиғи һәққидә биливелиң.

«Муқәддәс китап һаятни өзгәртиду» («Күзитиш мунари» 2012-жил, 1-январь)