Айәтләрни қандақ әстә сақлалайсиз?

Бирәр айәтни әскә чүшүрүшкә қийналған вақтиңиз болғанму? Бу сизгә тәсәлли беридиған, натоғра ойлар билән күришишкә ярдәм беридиған яки сиз бирсигә көрсәтмәкчи болған айәт болуши мүмкин (Зәб. 119:11, 111). Айәтләрни әстә тутушиңизға ярдәм беридиған бирнәччә мәслиһәтләрни көрүп чиқайли.

• «JW Library^®» программисидики теглар яки издәш сөзлири дегән функцияни ишлитиң. Сиз Муқәддәс китапни «JW Library» программисида оқуп, әстә сақлимақчи болған айәтни тапқанда, уни сақлап қойсиңиз болиду. Шу чағда уни асан тапалайсиз.

• Айәтни бир парчә қәғәзгә йезип, көзүңизгә чүшидиған бир йәргә чаплап қоюң. Бәзиләр уни әйнәккә яки тоңлатқуниң ишигигә чаплап қойиду. Башқилири болса, айәтни сүрәткә чүшүрүп, уни компьютер яки телефониниң экраниға чиқирип қойиду.

• Карточкиларни ясаң. Карточкиниң бир тәрипидә китапниң намини, бап вә айәтни, иккинчи тәрипидә болса айәтниң мәзмунини йезип қоюң. Андин айәт йезилған тәрәпкә қарап, униң мәзмунини ейтип көрүшкә тиришиң яки болмиса, мәзмуни йезилған тәрәпкә қарап, бу айәт қәйәрдә йезилғанлиғини есиңизгә чүширип көрүң.