تەتقىق قىلىش ئۇسۇللىرى
يەھۋانىڭ ئېسىل پەزىلەتلىرى توغرىسىدا كۆپرەك بىلىم ئېلىش
مۇقەددەس كىتابنى ئوقۇغاندا، ئوقۇۋاتقان مەزمۇننى ياخشىراق چۈشىنىش ئۈچۈن، ھەرخىل تەتقىق قىلىش قوراللىرىنى قوللىنالايمىز. بىراق، تەتقىق قىلىشتىكى مەقسىتىمىز پەقەتلا بىلىمىمىزنى ئاشۇرۇش ئەمەس، بەلكى يەھۋانى تېخىمۇ ياخشىراق تونۇش ۋە ئۇنىڭغا بولغان سۆيگۈ-مۇھەببىتىمىزنى كۈچەيتىش بولۇشى كېرەك. شۇنداق قىلىش ئۈچۈن، مۇقەددەس كىتابنى ئوقۇغاندا، «بۇ ئۈزۈندە يەھۋا توغرۇلۇق نېمىنى ئۆگىتىدۇ؟» دېگەن سوئال ھەققىدە ئويلانساق بولىدۇ.
مەسىلەن، يەھۋانىڭ سۆيگۈ-مۇھەببىتى، دانالىقى، ئادىللىقى ۋە كۈچ-قۇدرىتىنى قانداق نامايان قىلىدىغانلىقى ھەققىدە كۆپرەك بىلىۋېلىش ئۈچۈن ئىزدەنسەك بولىدۇ. ئەمما، يەھۋانىڭ باشقىمۇ نۇرغۇن ئاجايىپ پەزىلەتلىرى بار. ئۇلار توغرۇلۇق مەلۇماتنى قەيەردىن تېپىشقا بولىدۇ؟
«كۈزىتىش مۇنارى ماتېرىياللىرى كۆرسەتكۈچى» دىن (باشقا تىلدا) «يەھۋا» دېگەن ماۋزۇنىڭ ئىچىدە «ئېسىل پەزىلەتلەر» دېگەن يەردە، يەھۋانىڭ 50تىن كۆپرەك پەزىلەتلىرى كەلتۈرۈلگەن. مۇقەددەس كىتابتىن ئوقۇۋاتقان ۋەقەگە ماس كېلىدىغان پەزىلەتنى تېپىپ، تەتقىق قىلىپ كۆرۈڭ.