8 “‘Pole, nda wa eca okangombe kopiwa vocunda oco ka linge ocilumba coku pia elisi,+ ale ocilumba cohuminyo yilikasi,+ pamue ocilumba combembua ku Yehova,+ 9 o sukilavo oku lumba kumue lokangombe kaco ocilumba colomema+ colonepa vitatu viekũi vio efa viosema ya fina ya tengiwa lomeyu yo hine yulela. 10 O lumbavo onepa yomeyu yo hine yovinyu ndocilumba coku nyua,+ ndocilumba cimue ci yokiwa vondalu ceca elemba liwa ku Yehova.