53 Noke umue pokati kakãi wa imba ewe limue liombambo kutue wa Avimeleke kuenje wa nyanyõla ekõlokõlo liaye.+ 54 Vepuluvi liaco, eye wa kovonga oñuatisi yaye una wa siata oku ambata ovimalẽho viaye viuyaki kuenda wo sapuila hati: “Somõla osipata yove kuenda ndi ponde oco ka va ka popie catiamẽla kokuange hati: ‘Ukãi umue wo ponda.’” Omo liaco, oñuatisi yaye yo toma kuenje wa fa.

4 Noke Saulu wa sapuila ulume ukuakuambata ovimalẽho viaye viuyaki hati: “Pola osipata yove, ndi ponde, sanga alume ava olondingaĩvi ka va seviwile evamba+ va ka tiuka kuenje va ka ndi tata lãvi loku ndi ponda.” Pole, ulume ukuakuambata ovimalẽho viaye viuyaki ka tavele, momo wa kuata usumba walua. Omo liaco, Saulu wa tikula osipata, yu wa kupukila kilu liaco.+

23 Eci Ahitofele a limbuka okuti elungulo liaye ka lia kapiwileko, wa pongiya ocimbulu, wa enda konjo yaye volupale luaye.+ Noke lioku eca olonumbi ku vakuanjo yaye+ wa li leka ekõle.*+ Eye wa fa kuenda wa kendiwa kocitumãlo kua kendiwa vakukululu yaye.