22 Eli wa kukile calua, pole, wa yeva ovina viosi omãla vaye va kala oku linga+ vo Isareli kuenda ndomo va kala oku lipekela lakãi va vumbaile puvelo wombalaka yohongele.+ 23 Eye wa va sapuila hati: “Momo lie vu kasilili oku amamako oku linga ovina evi? Ovina ñasi oku yeva komanu viatiamẽla kokuene, via vĩha. 24 Liwekipo amãla vange, momo ovina nda yeva pokati komanu va Yehova, ka via sungulukile. 25 Nda omunu umue o lingila ekandu omunu ukuavo, umue citava okuti u likutililako ku Yehova;* pole, nda omunu umue o lingila ekandu Yehova,+ elie u likutililako?” Pole, ovo ka va yevele kondaka ya isiavo, momo Yehova wa nõlelepo oku va kundula.+

8 Eci Samuele a kuka, wa nõla omãla vaye oco va linge olonganji vio ko Isareli. 2 Onduko yomõlaye uveli Yoeli kuenda yomõla wavali Aviya,+ ovo va kala olonganji ko Beresieva. 3 Pole, omãla vaye ka va kuamẽle ongangu yaye; va tiamisilile lika ovitima viavo kolombongo,+ va enda oku tambula ovitukiko+ kuenda va pengisile esunga.+

14 Daviti wa sapuila akuenje vaye vosi va kala laye ko Yerusalãi hati: “Votoki, tu endi,+ momo lomue pokati ketu o ka puluka peka lia Avisalome! Lupuki, sanga eye o tu sanga lonjanga kuenda o tu linga cĩvi loku kundula olupale losipata!”+