5 “Tiukila kuenda sapuila Hesekiya usongui womanu vange hati: ‘Ca popia Yehova Suku ya Daviti kukululu yove ceci hati: “Nda yeva ohutililo yove. Nda mola asuẽlẽla ove.+ Omo liaco, ndu ku kayisa.+ Keteke liatatu o ka lamanela konjo ya Yehova.+

12 Kotembo yaco, soma yo Bavulono okuti, Berodake-Valadana omõla a Valadani, wa tuma ku Hesekiya ovikanda lombanjaile omo a yeva okuti, Hesekiya wa kala oku vela.+ 13 Hesekiya wa va yolela* loku va lekisa ovina viaye viosi via kala vonjo yovokuasi+ okuti, opalata, ulu, olosimbolua viulela, lolosimbolua vikuavo viulela wa tĩla, onjo yaye yovota kuenda ovina viosi via kala vohondo yoku seleka ovokuasi aye. Ka kua kaile lacimue Hesekiya ka lekisile vonjo* yaye kuenda kuviali waye wosi.