17 Omo okuti, ovo va njanduluka kuenda va tuimisila owisi wovilumba kolosuku vikuavo,+ oco va wengule onyeño yange lovopange osi wovaka avo,+ onyeño yange yi ka wengukila ocitumãlo cilo kuenda oyo ka yi ka imũha.’”+

27 “‘“Pole, nda ene ka vu pokola kokuange okuti, ka vu amamako oku kolisa eteke Liesambata kuenda vu ambati ovilemo loku vi nena poku pita lavio polombundi vio Yerusalãi keteke Liesambata, ndi ka kapa ondalu polombundi viaco kuenda oyo yi ka lia muẽle olosapalalo vi kuete oviteyuilo vio Yerusalãi+ kuenje ka yi ka imiwa.”’”+