OCISELEKO CALIVULU VO INTERNET Colombangi Via Yehova

OCISELEKO CALIVULU VO INTERNET Colombangi Via Yehova

Olombangi Via Yehova

OCISELEKO CALIVULU VO INTERNET

Os. 27:2

Embimbiliya li Kola—Epongoluilo Lioluali Luokaliye
- 2 Eci olondingaĩvi via ndi katukila oco vi ndi kundule,+
  Ovanyãli vange vana va tamalãla lame, ovo va lilondoka kuenje va kupuka.

Yeremiya 15:15

Embimbiliya li Kola—Epongoluilo Lioluali Luokaliye
- 15 Ove muẽle wa kũlĩha ohali yange, A Yehova,
  Njivaluke kuenda tiamisila utima wove kokuange.
  
  Ndi fetuluinyileko vakuakundilambalala.+
  
  Ku ka ecelele okuti, ndi nyõleha* omo lioku livala kuove konyeño.
  
  Kũlĩha okuti mekonda liove, ndi pandikisa koku sanumuiwa oku.+

Yeremiya 15:20

Embimbiliya li Kola—Epongoluilo Lioluali Luokaliye
- 20 “Ñasi oku ku lingisa ocimbaka cimue ca pama cosipi komanu ava.+
  
  Ovo va ka liyaka muẽle love,
  Pole, ka va ka ku yula,+
  Momo ame ñasi love oco ndu ku popele kuenda oku ku yovola,” oco Yehova a popia.

Yeremiya 17:18

Embimbiliya li Kola—Epongoluilo Lioluali Luokaliye
- 18 Vana va ndi lambalala va kutisiwe osõi,+
  Pole, ame si ka kutisiwe osõi.
  
  Ovo va kuatiwe lusumba,
  Pole, ame si ka kuatiwe lusumba.
  
  Va nenela eteke liohali,+
  Va nyanyõla kuenda va kundula elisi.*