13 Noke eye wa ndi sapuila hati: “Olohondo vioku lilamo vi kasi konele yonano kuenda olohondo vioku lilamo vi kasi konele yombuelo, vi kasi ocipepi lonele ya sanjavala+ okuti, olohondo vi kola muna ovitunda vina vi amela ku Yehova vi lila ovilumba vi kola koku kola.+ Vocitumãlo caco, omo va kapa ovilumba vi kola, ocilumba colomema, ocilumba cekandu kuenda ocilumba ceko, momo oco ocitumãlo cimue ci kola.+