16 Keteke liatete, vu liongolola oco vu fendeli Suku kuenda keteke liepanduvali, vu liongolola vali. Ka citava oku linga upange vokuenda kuoloneke viaco.+ Vu pongiya lika eci omunu lomunu a sukila oku lia.

25 “Nda wa enda kepia liukuene liolomema, citava oku tukũla apunga leka liove, pole, ka citava oku pitisa omĩla kolomema viukuẽle.+

23 Eci eye a pita vepia liotiliku Kesambata, olondonge viaye via fetika oku kalula apunga osimbu ovio via kala oku enda.+ 24 Va Fariseo vo pula vati: “Tala! Momo lie ovo va lingila eci ka ca sungulukile Kesambata?” 25 Pole, eye wa va kumbulula hati: “Ka wa tangeli hẽ eci Daviti a linga, cina a suka okulia kuenda eci eye kumue lalume vaye va yeva onjala?+ 26 Ka wa tangeli hẽ vulandu wa Aviyatare+ ocitunda ca velapo ndomo Daviti a iñila vonjo ya Suku loku lia olombolo via tumbikiwa* okuti, ka ca sungulukile umue oku vi lia, te lika ovitunda+ kuenje eye wa ecavo vimue kalume va kala laye?” 27 Noke eye wa va sapuila hati: “Suku wa linga Esambata omo liomunu,+ pole, ka lingile omunu omo Liesambata. 28 Omo liaco, Mõlomunu eyevo Ñala Yesambata.”+

6 Eteke limue kesambata, Yesu wa pita vepia liotiliku kuenda olondonge viaye via fetika oku kalula apunga+ loku a tukusa peka kuenda oku a lia.+ 2 Va Fariseo vamue va pula vati: “Momo lie vu lingila eci ka ca sungulukile oku linga Kesambata?”+ 3 Pole, Yesu wa va kumbulula hati: “Ka wa tangeli hẽ eci Daviti a linga kumue lalume vaye eci va yeva onjala?+ 4 Ndomo eye a iñila vonjo ya Suku yu wa tambula olombolo via tumbikiwa* kuenje wa lia loku ecavo kalume vaye ndaño okuti ka ca sungulukile umue oku vi lia, pole, ca sungulukilile lika kovitunda?”+ 5 Noke wa va sapuila hati: “Mõlomunu eye Ñala Yesambata.”+