42 Noke wa enda onjanja yavali oku ka likutilila hati: “A Tate, nda ka citava okuti okopo eyi o yi njupa, pole, te ndi yi nyua, ocipango cove ci lingiwe.”+ 43 Eci a tiuka vali wa va sanga okuti va pekela, momo va kala lotulo tualua. 44 Wa va sia kuenje wa enda vali onjanja yatatu oku ka likutilila, loku popia ovina vimuamue. 45 Noke wa tiuka kolondonge kuenje wa vi sapuila hati: “Vepuluvi ndeli ene vu kasi oku pekela loku puyuka! Owola yi kasi ocipepi oco Mõlomunu a pakuiwe la vakuakandu. 46 Votoki, tuendi. Tali! U o makula o kasi ocipepi.”