5 Omo liaco, Samisone wa lokila ko Timinate kumue la isiaye kuenda inaye. Eci a pitĩla poviti viayuva o ko Timinate, ohosi* yimue yeya kokuaye loku koma. 6 Noke espiritu lia Yehova lio wĩha unene+ kuenje eye wa yi tola lovaka aye volonepa vivali ndeci omunu umue a tola volonepa vivali okahombo kamue. Pole, eye ka sapuilile ku isiaye ndaño ku inaye ovina a linga.

34 Daviti wa tambulula Saulu hati: “Upika wove ukuakulisa olomeme via isiaye,+ eci kueyile ohosi lokanyani, ocinyama locinyama copa omeme yimue vocunda. 35 Ame nda yi kuama noke nda yi ponda kuenje nda yovola omeme komẽla walio. Eci oyo ya kala oku iya kokuange, nda yi kuata posingo* kuenje nda yi ponda. 36 Upika wove wa ponda ale ohosi lokanyani, cimuamue haico a ka linga lu Filisiti u okuti, ka seviwile evamba, momo wa sanumũla* lolohoka via Suku o kasi lomuenyo.”+

21 Vepuluvi liaco, Daniele wa sapuila soma hati: “A soma kala lomuenyo otembo ka yi pui. 22 Suku yange wa tuma ungelo waye kuenje wa yika omẽla wolohosi+ kuenda ovio ka via ndingile cimue cĩvi,+ momo nda tendiwa ndomunu umue ka kuete eko kovaso aye; ndaño ove A soma, sia ku lingile cimue cĩvi.”