Isaya
50 Ca popia Yehova ceci hati:
“Pi pa kasi ukanda woku linyãla+ wa ina yene, una ame nda tuma oku enda?
Ale nda ku landisi hẽ omo liofuka yimue nda kuatele?
Tali! Ene wa landisiwi omo liakulueya ene muẽle,+
Kuenda omo liakandu ene muẽle, ina yene wa tumiwa oku enda.+
2 Momo lie sia sangelele umue eci nda pitĩla?
Momo lie lomue wa tambulula eci nda vilikiya?+
Anga hẽ okuokuo kuange kumbumbulu calua oco ndi yovole,
Ale si kuete unene woku yovola?+
Olõsi vialio vi vola omo liekambo liovava,
Kuenda ovio vi fa omo lienyona.
3 Ame ndi walisa ovailu lowelema,+
Kuenda ndi a sikĩlĩla lovikelẽyi.”
4 Ñala Tõlo Yehova, wa nyĩha elimi lia vana va longisiwa,*+
Oco ame ndi kũlĩhe ndomo ndi tambulula* una wa kava londaka yimue ya sunguluka.+
Eye o ndi pasula omẽle lomẽle;
Eye o pasula etũi liange oco ndi yeve nda vana va pindisiwa.+
Ame sia lingile ndomo ci likuata locipango cange muẽle.+
Sia sitikile ocipala cange kovina vi kutisa osõi kuenda koku siyilua.+
7 Pole, Ñala Tõlo Yehova o ka ndi kuatisa.+
Eli olio esunga lieci si liyevela okuti nda sepuiwa.
Omo liaco, nda tĩlisa ocipala cange ndewe limue,+
Kuenda nda kũlĩha okuti si ka kutisiwa osõi.
8 Una o ndi tukula okuti ndukuesunga, o kasi ocipepi.
Helie o pondola oku ndi lundila?*+
Tu katukili kumosi.*
Helie o kuete ocitangi cimue catiamẽla kokuange?
Eye amele kokuange.
9 Tali! Ñala Tõlo Yehova o ka ndi kuatisa.
Helie o ka ndi kapa eko?
Tali! Vosi yavo va ka pua nduwalo umue.
Ovipuka vi ka va lia.
10 Helie pokati kene wa sumbila Yehova
Kuenda o yeva ondaka yukuenje waye?+
Helie endela valondo owelema walua okuti ka muli ocinyi cimue?
A kolele konduko ya Yehova loku kuatisiwa eye muẽle la* Suku yaye.
11 “Tali! Vosi yene vu kasi oku taimisa ondalu,
Vu palãlisa olosãse,
Endeli vocinyi condalu yene,
Pokati kolosãse ene wa taimisi.
Eci vu ka tambula peka liange ceci:
Ene vu ka pekela vevalo lialua.