Esekiele
15 Ondaka ya Yehova yeya vali kokuange yiti: 2 “A mõlomunu, evaya liuti wuyuva li pondola oku sokisiwa ndati luti ukuavo ale ocanja coviti viovusenge? 3 Ombueti yopiwa kuti waco yi kuete hẽ esilivilo lioku linga upange? Ale omanu va panga onepa yimue yocikuatelo cuti waco oco va kapeko ovikuata? 4 Tala! Ombueti yaco yimbiwa vondalu ndolohũi kuenda ondalu yi ka lia olonepa vialio vivali kuenda vokati kaco mu ka timĩhiwa lakala. Anga hẽ oyo yi kuete esilivilo lioku linga upange umue? 5 Ndaño ceci ombueti yaco ya suilepo, ka ya kuatele esilivilo lioku linga cimue. Ca piãla enene noke yoku timĩhiwa londalu kuenje yi linga akala!”
6 “Omo liaco, ca popia Ñala Tõlo Yehova ceci hati: ‘Ndeci evaya liuti wuyuva li kasi pokati koviti viovusenge nda eca ndolohũi kondalu, cimuamue haico ndi ka linga lolonungi vio Yerusalãi.+ 7 Nda va ñualelapo. Ovo va puluka vondalu, pole, ondalu yi ka va lia. Kuenje ene vu ka kũlĩha okuti, ame ndi Yehova eci ndi ka va katukila.’”+
8 “‘Kuenje ndi ka lingisa okuti ofeka yi siala upolokoso+ momo, va lekisa ovituwa ka via sungulukile,’+ oco Ñala Tõlo Yehova a popia.”