Olosamo
Kusongui wolonjimbi; elaka liaco Yedutunu.* Osamo ya Asafe.+
77 Ndi ka kaluka ku Suku londaka yange;
Ndi ka kaluka ku Suku kuenda eye o ka njeva.+
2 Keteke liohali yange ndi sandiliya Yehova.+
Vokuenda kuteke, ndi olũila ovaka ange kokuaye okuti si kavi.*
Ame si lembelekiwa.
4 Ove ku ecelela okuti ovaso ange a yika;
Ame nda sakalala kuenda si tẽla oku vangula.
5 Ovisimĩlo viange vi tiukila koloneke vio kosimbu,+
Kanyamo osiahũlu.
7 Anga hẽ Yehova o ka tu likala otembo ka yi pui?+
Ange hẽ eye lalimue eteke a ka lekisa vali ohenda yaye?+
8 Anga hẽ ocisola caye ka ci pongoloka ca imũha otembo ka yi pui?
Anga hẽ lacimue pokati kovitumbulukila ci ka mola oku tẽlisiwa kuohuminyo yaye?
9 Anga hẽ Suku wa ivalako oku lekisa ohenda yaye,+
Ale onyeño yaye ya kokela ohenda yaye oku imũha? (Sela)
10 Anga hẽ ndi sukila oku amamako oku popia hati: “Eci oco ci ndi kokela ohali:*+
Fũ wa pongolola onjila ndomo a talavaya leka liaye liondio kokuetu”?
11 Ndi ka ivaluka ovopange a Yehova;
Ndi ka ivaluka ovilinga viove vi komõhisa vio kosimbu.
12 Kuenje ndi ka sokolola ovopange ove osi
Loku sokolola ovilinga viove.+
13 A Suku, olonjila viove vi kola.
A Suku, osuku yipi okuti yinene calua ndove?+
14 Ove wu Suku yocili una o linga ovina vi komõhisa.+
Ove wa situlula ongusu yove komanu.+
16 A Suku, ovava a ku mola;
Ovava a ku mola kuenda a luluma.+
Kuenda ovava a longa a tumõha.
17 Alende a pesela ovava.
Ilu lialende a tekãva, lia ndindima,
Kuenda ovisongo viove via liakuila kulo kuenda oko.+
18 Ocileñi cocindindimo cove+ ca kala ndeci calola ekãlu;
Oviliakulo viocinyi via mĩhila ilu lieve;+
Ilu lieve lia luluma kuenda lia lisenga.+
19 Onjila yove ya kala okalunga,+
Alila ove a kala kovava alua;
Pole, lomue wa tẽla oku mola ondimbukiso yolomãhi viove.