Olosamo
Osamo ya Daviti.
27 Yehova eye ocinyi cange+ kuenda epopelo liange.
Helie ndi yokokela?+
Yehova eye ociteyuilo comuenyo wange.+
Helie ndi kuatela usumba?
2 Eci olondingaĩvi via ndi katukila oco vi ndi kundule,+
Ovanyãli vange vana va tamalãla lame, ovo va lilondoka kuenje va kupuka.
Ndaño uyaki u ndi katukila,
Haimo lumue ndi kamamako lekolelo.
4 Nda pinga ocina cimue ku Yehova
Kuenje eci oco ndi seteka oku tẽlisa,
Okuti oku kala vonjo ya Yehova oloneke viosi viomuenyo wange,+
Oco ndi sanjukile uwa wa Yehova
5 Momo eye o ka ndi vundisa vocitililo caye keteke liohali;+
Eye o ka ndi salamisa vocitumãlo cuyombeki combalaka yaye.+
Eye o ka ndi kapa kilu liesenje.+
6 Kaliye ndi yula* ovanyãli vange vana va ndi ñuala ocingonja;
Ndi lumbila ovilumba vombalaka yaye loku kaluka lesanju;
Njimbila Yehova ovisungo viesivayo.*
8 Utima wange u njivaluisa ocihandeleko cove cokuti:
“Sandi ocipala cange.”
A Yehova, ndi ka sanda ocipala cove.+
9 Ku ka ndi vundisile ocipala cove.+
Ku ka likale ukuenje wove lonyeño.
Ove wuñuatisi yange;+
Ku ka njanduluke ale oku ndi sia, a Suku yange yepopelo.
12 Ku ka ngece peka liovanyãli vange,+
Momo olombangi viesanda via ndi katukila,+
Kuenda vi ndi saluisa lungangala.
13 Pi nda ndi kasi, nda sia kuatele ekolelo,
Okuti ndi mola uwa wa Yehova vofeka yava va kasi lomuenyo?*+
Ocili, talamẽla ku Yehova.