Isaya
46 Bele o kekamẽla posi,+ Nevo o petamẽla posi.
Oviteka viavo vi kapiwa kilu liovinyama okuti, ovinyama vi ambata ovilemo,+
Ndovikuata vi kavisa ovinyama via kava.
2 Ovo va petamẽla posi loku kekamẽla kumosi;
Ovo ka va tẽla oku yovola ovilemo,*
Kuenda ovo muẽle vambatiwa kumandekua.
3 “Anjo ya Yakoba, njeveleli kuenda vosi yene wa supipo konjo ya Isareli,+
Ene vana ame ndi kuatisa tunde koku citiwa kuene kuenda oku vu ambati tunde vimo.+
4 Toke koku kuka kuove, ndi ka kala umuamue;+
Toke eci o kala lowele, ndi kamamako oku ku tekula.
Ndeci nda siata ale oku ci linga, ame ndi ka ku ambata kuenda oku ku yovola.+
6 Kuli vana va pesela ulu u kasi vocipete cavo;
Ovo va pesalisa opalata kombalãsa.
Va pañinya ukuakutela utale oco a u pongolole osuku yimue.+
Kuenje va petamẽla ovo muẽle kosuku yaco, ocili, va yi fendela.*+
7 Ovo va kapa ociteka caco kapepe avo;+
Va cambata kuenda va ci kapa pocitumãlo caco kuenda opo ci kala.
Oco ka ci tundi pocitumãlo caco.+
Ovo va kalukila ociteka caco, pole, ka ci tambulula;
Oco ka ci tẽla oku yovola laumue kocitangi cimue.+
8 Ivaluki ocina eci kuenda kuati utõi.
Ci kapi vutima, ene a vakuesino.
9 Ivaluki ovina viosimbu,*
Okuti ame ndi Suku kuenda ka kuli ukuavo.
Ame ndi Suku kuenda ka kuli wa lisoka lame.+
Olonjila* viange vi ka tẽlisiwa muẽle.+
Kuenda ndi ka linga cosi ndi sanjukila.+
11 Ndi vilikiya ongonga oku upisa kutundilo,+
Oku upisa kofeka yi kasi ocipãla okuti, omunu o linga eci nda nõlapo oku linga.*+
Ame nda ci popia kuenda ndi ka ci tẽlisa.
Eci oco ocipango cange kuenda ndi ka ci tẽlisavo.+
12 Njeveleli, ene a vakuavitima via sina,*
Ene vu kasi kupãla lesunga.
Ndi ka eca epopelo ko Siono, ulamba wange ko Isareli.”+