Isaya
52 Pasuka! Pasuka! Li walisa ove muẽle longusu,+ A Siono!+
Wala ovowalo ove a posoka,+ A Yerusalãi, alupale lu kola!
Momo lalimue eteke pokati kove pa ka iñila vali umue ka seviwile evamba kuenda una wa vĩhisiwa.+
2 Tutumũla oneketela, katuka kuenda tumãla kocalo, A Yerusalãi.
Upa alienge posingo yove, Amõla ufeko wumandekua wa Siono.+
3 Ca popia Yehova ceci hati:
4 Ca popia Ñala Tõlo Yehova ceci hati:
“Tete omanu vange va lokila Kegito oco va ka kaleko ndovingendeleyi;+
Noke o Asuria ya va talisa ohali ndaño ka ya kuatele esunga liaco.”
5 “Omo liaco, nye ndi linga cilo?” oco Yehova a popia.
“Momo omanu vange vambatiwa okuti ka kua fetiwile cimue.
Vana va va viala vamamako oku va talisa ohali loku kaluka leyulo,”+ oco Yehova a popia,
“Kuenda olonjanja viosi, onduko yange yi kasi oku tatiwa lekambo liesumbilo eteke liosi.+
6 Omo liaco, omanu vange va ka kũlĩha onduko yange;+
Kuenje keteke liaco, ovo va ka kũlĩha okuti ame Una o kasi oku vangula.
Tali! Ame nda ci popia!”
7 Via posoka cimue, olomãhi via una o nena olondaka viwa kolomunda,+
Una o sandeka ombembua,+
Una o nena olondaka viwa viocina cimue ca velapo,
Una o sandeka epopelo,
Una o sapuila ko Siono hati: “Suku yove wa linga Osoma!”+
8 Yevelela! Olondavululi viove vi kasi oku votola ondaka yavo.
Ovio vi kalukila kumosi lesanju,
Momo eci Yehova a ka nena vali o Siono, ovio vi ka ci mola ciwa.*
9 Sanjuki, kalukili kumosi lonjolela avingululu vio Yerusalãi,+
Momo Yehova wa lembeleka omanu vaye;+ eye wa yovola o Yerusalãi.+
10 Yehova wa lingisa okuti, olofeka viosi vi mola unene waye u kola;+
Asulilo osi o kilu lieve, a ka mola ovilinga viepopelo* via Suku yetu.+
11 Tundi, tundi, tundimo,+ ko ka lambi lacimue ca vĩha!+
Kuenda Suku ya Isareli o ka kala konyima yene.+
13 Tali! Ukuenje wange+ o ka lekisa olondunge.
Eye o ka kapiwa kunene.
Eye o ka velapo kuenda o ka kemãlisiwa calua.+
14 Ndeci kua kala valua va vanja kokuaye loku komõha
Momo eye wa sambele calua okuti, omunu ukuavo ci sule,
Kuenda eposo lietimba liaye lia sambele okuti liomanu li sule,
15 Omo liaco, eye o komõhisa olofeka vialua.+