Isaya
60 “Katuka, A Yerusalãi,*+ tuisa ocinyi, momo ocinyi cove ca pitĩla.
Ulamba wa Yehova wa tuila kokuove.+
2 Tala! Owelema u ka sikĩlĩla ongongo
Kuenda alende a tekãva a ka sitika olofeka;
Pole, Yehova o ka tuisa ocinyi kokuove,
Kuenda kokuove ku ka molẽhela ulamba waye.
3 Olofeka vi keya kocinyi cove+
Kuenda olosoma+ koku nina kulamba wove.*+
4 Petula ovaso ove kuenda vanja kolonele viove viosi!
Vosi yavo va liongolola; va kasi oku iya kokuove.
5 Kotembo yaco, ove o ka ci mola kuenda o ka nina,+
Kuenje utima wove u ka sanjuka kuenda u keyuka lonjolela,
Momo ovokuasi okalunga a ka neniwa kokuove;
Ovokuasi olofeka a ka pitĩla kokuove.+
Omanu vosi vo ko Sieva va keya kokuove;
Ovo va ka nena ulu kuenda onguendu.
Ovo va ka sandeka esivayo lia Yehova.+
7 Oviunda viosi vio ko Kedare+ vi ka liongoluila kokuove.
Olomeme vio ko Nevayoti+ vi ka ku vumba.
9 Kokuange ovifuka vi ka kuata elavoko;+
Olonaviyu vio ko Tarsisi viya kovaso,
Oco vi nene omãla vove oku upisa kupãla,+
Lopalata yove kuenda ulu,
Konduko ya Yehova Suku yove, Una o Kola wa Isareli,
10 Ovingendeleyi vi ka tunga ovimbaka viove,
Kuenda olosoma viavo vi ka ku vumba,+
Momo vonyeño yange ndu ku yambula.
Pole, lohenda yange ndi ka ku kuatela ohenda.+
11 Olombundi viene vi ka kala upulule otembo yosi;+
Ka vi ka yikiwa kutanya ale kuteke,
Oco va nene kokuove ovokuasi olofeka,
Kuenda olosoma viavo ovio vi ka songola.+
13 Ulamba wo ko Levanone u keya kokuove,+
Uti wongaye, luti wocinendele kuenda uti wusombo vi keya kokuove,+
Oco vi posuise ocitumãlo cange ci kola;
Kuenda ame ndi ka kemanyisa ocitumãlo colomãhi viange.+
14 Omãla va vana va ku talisa ohali, va keya kuenda va ka kekamẽla kovaso yove;
Vosi vana va ku tata lekambo liesumbilo, va sesamẽla oku kekamẽla kovolu ove,
Kuenda ovo va ka ku tukula okuti olupale lua Yehova,
Siono Una o Kola wa Isareli.+
15 Ndaño okuti wa yandulukiwa kuenda wa suvukiwa okuti lomue o pita kokuove,+
Ndi ka ku lingisa ocina cimue okuti, omanu va ku sivaya otembo ka yi pui,
Ocina cimue cesanju vokuenda kuovitumbulukila viosi.+
16 Ove o ka nyua asenjele olofeka,+
O ka nyama volonete violosoma;+
Kuenje ove o ka kũlĩha okuti ame ndi Yehova, Ndupopeli wove,
Kuenda Ukuonene wosi wa Yakoba, eye Onjovoli yove.+
17 Pomangu yosipi ndi ka kapapo ulu,
Pomangu yutale ndi ka kapapo opalata,
Pomangu yevaya, osipi,
Pomangu yovawe, utale;
Kuenje ndi ka nõla ombembua oco yi linge olomitavaso viove
Kuenda esunga ndasongui vove.+
18 Vofeka yove ka mu ka yevala vali ovina viatiamẽla kungangala,
Ale enyõleho kuenda ekundu kolongave viove.+
Ove o ka tukula ovimbaka viove okuti, Epopelo kuenda olombundi viove okuti, Esivayo.+
19 Momo utanya ka u ka eca vali kokuove ocinyi ceteke,
Ndaño osãi ka yi ka eca vali ocinyi kokuove,
Momo Yehova o ka kala ocinyi ka ci pui kokuove,+
Kuenda Suku yove o ka kala ulamba wove.+
20 Ekumbi ka li ka iñila vali,
Ndaño ocinyi cosãi ka ci ka tepuluka,
Momo Yehova o ka kala ocinyi ka ci pui kokuove,+
Kuenda oloneke vioku lila kuove vi ka pua.+
21 Omanu vove vosi va ka kala vakuesunga;
Ovo va ka piñala ongongo otembo ka yi pui.
22 U o sule, o ka linga ohulukãi
Kuenda utito, o linga ofeka ya pama.
Ame muẽle ndi Yehova, ndi ka ci yayuisa votembo yaco.”