Olosamo
Kusongui wolonjimbi. Osamo ya Daviti.
64 A Suku, yevelela ondaka yange osimbu ndi pinga.+
Teyuila omuenyo wange koku kuata usumba kovaso yunyãli.
2 Ndi teyuile kasokiyo ãvi olondingaĩvi,+
Kuenda kowiñi wolondingaĩvi.
3 Ovo va lepika elimi liavo ndosipata;
Ovo va loñisa olondaka viavo vĩvi ndovisongo,
4 Oco va ase omunu ka kuete eko oku upisa povitumãlo viavo vioku salama;
Ovo va asa kokuaye vocipikipiki okuti, ka va kuete usumba.
5 Ovo va kakatela kesokiyo liavo lĩvi;*
Va sapela ndomo va salamisa olonjanjo viavo.
Va popia vati: “Helie o ka vi mola?”+
6 Ovo va sanda olonjila viokaliye vioku linga eci cĩvi;
Vuyombeki va tumbika ongombo yasokiyo atutu avo;+
Ovisimĩlo viutima womunu lomunu via longa calua.
7 Pole, Suku o ka va asa lusongo;+
Vocipikipiki ovo va ka lemẽhiwa.
8 Elimi liavo muẽle, li ka va kokela oku kupuka;+
Vosi vana va kasi oku ci mola va ka puka puka kutue wavo.
9 Kuenje omanu vosi va ka kuata usumba,
Kuenda va ka sapula eci Suku a linga,
Kuenje va ka kuata elomboloko liovilinga viaye.+