Liatete Liasapulo
16 Omo liaco, ovo va nena Ocikasia ca Suku yocili kuenje va ci kapa vokati kombalaka Daviti a ci tungila;+ kuenda va eca ovilumba vioku pia elisi lovilumba viombembua kovaso a Suku yocili.+ 2 Eci Daviti a mala oku eca ovilumba vioku pia elisi+ lovilumba viombembua,+ eye wa sumũlũisa omanu vonduko ya Yehova. 3 Handi vali, eye wa eca ku va Isareli vosi okuti, kulume lulume kuenda kukãi lukãi, ombolo yimue yi kasi ndombunje, ekende limue liepako lieva kuenda ekende limue liayuva. 4 Noke eye wa nõla vamue pokati ka va Lewi oco va vumbile kovaso Yocikasia ca Yehova+ loku sumbila,* loku pandula kuenda oku sivaya Yehova Suku ya Isareli. 5 Asafe+ eye wa kala usongui kuenda wavali wa kala Sakariya; kuenje Yeyele, Semiramote, Yehiyele, Matitiya, Eliyava, Benaya, Ovede-Edome la Yeyele,+ va sika ovikuata viovisikilo via pangiwa lovikolo kuenda olohalupa;+ kuenje Asafe wa sika olosimbalu,+ 6 kuenda Benaya la Yahasiele ovitunda va enda oku sika alumbeta otembo yosi kovaso yocikasia covisila via Suku yocili.
7 Keteke liaco, oco Daviti a linga onjanja yatete ocisungo cimue colopandu ku Yehova pocakati ca Asafe+ la vamanjaye:
8 “Eci olopandu ku Yehova,+ vilikiyi onduko yaye,
Sapuli ovilinga viaye oco vi kũlĩhĩwe pokati komanu!+
10 Lipandi eci catiamẽla konduko yaye yi kola.+
Ovitima via vana va sanda Yehova vi sanjuke.+
11 Sandi Yehova+ kuenda ongusu yaye.
Sandi ocipala* caye otembo yosi.+
12 Ivaluki ovopange a komõhisa eye a linga,+
Ovikomo viaye kuenda asombiso a tukula,
13 Ene acitumbulukila* ca Isareli ukuenje wa Suku,+
Ene amãla va Yakoba, alonõliwe viaye.+
14 Eye, eye Yehova Suku yetu.+
Asombiso aye a kasi kilu lieve liosi.+
15 Ivaluki ocisila caye otembo ka yi pui,
Ohuminyo eye a linga* kohulukãi yovitumbulukila,+
16 Ocisila a linga la Avirahama,+
Kuenda ohuminyo a lisila la Isake,+
17 Cina eye a tumbika ndocihandeleko cimue ku Yakoba+
Kuenda ndocisila ka ci pui ku Isareli,
18 Poku popia hati: ‘Ngeca kokuove ofeka yo Kanana+
Ndocipiñalo ca eciwa kokuene.’+
19 Ovina viaco via pita eci ene wa kali vatito ketendelo,
Ocili, wa kali vatito calua kuenda wa kali ovingendeleyi vofeka yaco.+
20 Ovo va enda ofeka lofeka,
Tunde kuviali umue toke komanu vakuavo.+
21 Eye ka ecelele okuti, omunu umue o va talisa ohali,+
Pole, omo liavo eye wa lungula olosoma,+
22 Poku popia hati: ‘Ko ka lambi kolombuavekua viange,
Kuenda ko ka lingi eci cĩvi kovaprofeto vange.’+
23 Imbili Yehova ovisungo, a ilu lieve liosi!
Sapuli ovilinga viaye viepopelo eteke leteke!+
24 Sapuli ulamba waye pokati kolofeka,
Lovopange aye a komõhisa pokati komanu vosi.
25 Momo, Yehova unene kuenda o sesamẽla esivayo liosi.
Eye o komõhisa calua okuti, olosuku viosi vikuavo ci sule.+
28 Eci ku Yehova eci a sesamẽla, ene apata vomanu,
Eci ku Yehova eci a sesamẽla omo liulamba kuenda ongusu yaye.+
Kekamẽli* Yehova lovowalo a kola.*+
30 Lulumili kovaso aye, a ilu lieve liosi!
Ilu lieve* lia kolisiwa; olio ka li sengiwa.*+
31 Ovailu a sanjuke kuenda ilu lieve li yolele;+
Sapuli pokati kolofeka hati: ‘Yehova wa linga Osoma!’+
32 Okalunga ka ndindime lovina viosi vieyukamo;
Ovapia kuenda ovina viosi vi kasimo vi sanjuke.
33 Vepuluvi limuamue, oviti viovusenge vi kaluke lesanju kovaso a Yehova,
Momo eye o kasi oku iya oco a sombise ilu lieve.
35 Kuenda popi hati: ‘Tu popele, A Suku yepopelo lietu,+
Tu ongolole kuenda tu yovole oku upisa kolofeka,
Oco tu ece olopandu konduko yove yi kola+
Kuenje omanu vosi va popia vati: “Amene!”* kuenje va sivaya Yehova.
37 Noke Daviti wa sia Asafe+ la vamanjaye kovaso yocikasia covisila via Yehova oco va vumbe otembo yosi kovaso Yocikasia,+ ndomo ci likuata lupange weteke leteke.+ 38 Ovede-Edome la vamanjaye va kala eci ci soka 68 kuenda Ovede-Edome omõla a Yedutunu la Hosa va kala vakualombundi; 39 kuenje Sadoke+ ocitunda kuenda vakuavo vana va linga upange wutunda, va kala kovaso yotavernakulu ya Yehova vocitumãlo ci kola ko Giveone+ 40 oco va ece ovilumba vioku pia elisi ku Yehova olonjanja viosi kutala wocilumba coku pia elisi komẽle lo koñolosi kuenda oco va linge ovina viosi via sonehiwa Vocihandeleko ca Yehova cina a handelekele Isareli.+ 41 Kumue lavo, kua kala Hemani la Yedutunu+ kuenda alume vakuavo va nõliwa vana va tambula ocikele ndomo ci likuata lolonduko viavo, oco va ece olopandu ku Yehova,+ momo “ocisola caye ka ci pongoloka ci kala otembo ka yi pui”;+ 42 kuenda kumue lavo, kua kala Hemani+ la Yedutunu oco va sike olombeta, olosimbalu kuenda ovikuata vioku siyava* Suku yocili; kuenje omãla va Yedutunu+ va kala pombundi. 43 Kuenje omanu vosi va enda kolonjo viavo kuenda Daviti wa enda oco a sumũlũise vakuanjo yaye muẽle.