Olosapo

11 Yehova o nyãle olombalãsa viesanda,*

Pole, ocilemo ca suapo* cu sanjuisa.+

 2 Eci epela liya, ekambo liesumbilo li kuamako,+

Pole, olondunge vi kasi la vana va li suluvika.+

 3 Ekolelo liava va suñama, olio li va songuila,+

Esanda lia vakuelimbi li ka va nyõla.+

 4 Ovokuasi* ka a ka kuata esilivilo keteke lionyeño,*+

Pole, esunga olio li ka yovola kolofa.+

 5 Esunga liomunu wa pua etondelo, li suñamisa onjila yaye,

Pole, ondingaĩvi yi ka kupuka omo liũvi waye muẽle.+

 6 Esunga liava va suñama, li ka va yovola,+

Pole, vakuelimbi va ka kuatiwa loloñeyi viavo muẽle.+

 7 Eci omunu umue ondingaĩvi a fa, elavoko liaye li nyõleha;

Kuenda elavoko lia kunamẽla kunene waye li nyõlehavo.+

 8 Ukuesunga o yovuiwa kohali,

Kuenda ondingaĩvi yi piñainya pomangu yaco.+

10 Ohenda ya vakuesunga yi sanjuisa olupale,

Kuenda eci ondingaĩvi yi nyõleha, ku kala oku liyula kuesanju.+

11 Omo liesumũlũho liomunu wa suñama olupale lu kala lunene,+

Pole, olondaka ondingaĩvi yi popia vi nyõla olupale.+

12 Omunu wosi okuti eveke,* o sepula omunu a lisungue laye,

Pole, omunu o kuete elomboloko liocili amamako oku ũha.+

13 Ukualundi o situlula olondaka vioku ũhila,+

Pole, omunu wa koleliwa* amamako oku ũha.*

14 Nda ka pali olonumbi* vi tunda komunu umue wa loñoloha, omanu va kupuka,

Pole, nda olondunguli vialua, kuli onima* yiwa.+

15 Wosi o likapelako oku feta ofuka yocingendeleyi cimue, o liyaka muẽle lovitangi,+

Pole, wosi o likala* oku yayulako oku linga ocisila, o yuvula ovitangi.

16 Ukãi wa sunguluka o tambula ulamba,+

Pole, alume vãvi va punda ovokuasi.

17 Ulume womboka* o li kuatisa eye muẽle,+

Pole, omunu ongangala o li kokela eye muẽle ovitangi.*+

18 Ondingaĩvi yi tambula ofeto yesanda,+

Pole, una o kũla esunga o tambula onima yocili.+

19 Una amamako oku linga esunga, o kasi vonjila yomuenyo,+

Pole, una o lekisa onjongole yoku linga ovina vĩvi, o kasi vonjila yolofa.

20 Vana va kuete utima ũvi va suvukiwa la Yehova,+

Pole, vana va pua etondelo vo sanjuisa.+

21 Kolela okuti:* Omunu ondingaĩvi o ka yambuiwa,+

Pole, omãla va vakuesunga va ka puluka.

22 Ndeci ci kasi ocinunga culu kupinyo wongulu,

Haico ci kasi ukãi wa posoka una o sepula olondunge.

23 Onjongole ya vakuesunga yi songuila kuwa,+

Pole, ocina olondingaĩvi;

vi lavoka, ci sulila vonye ño.

24 Kuli umue eca locali* kuenje o kuata vali calua;+

Ukuavo o likala oku eca eci a sukilile oku eca kuenje o sulila vuhukũi.+

25 Omunu ukuacali o ka sumũlũisiwa,*+

Kuenda wosi o kavuluisa* vakuavo o ka kavuluisiwa vo.+

26 Omanu va ka siñala una o seleka olomema,

Pole, va ka sumũlũisa una o vi landisa.

27 Una o likolisilako oku linga eci ciwa, o sanda ohenda,+

Pole, una o sanda eci cĩvi, ũvi waco wiya muẽle kokuaye.+

28 U o kolela kovokuasi aye o ka kupuka,+

Pole, vakuesunga va ka telẽha nduti wa pulika.+

29 Wosi o kokela ovitangi* vakuanjo yaye, ka ka piñala lacimue,*+

Kuenda eveke li ka kala upika wa una o kuete utima wolondunge.

30 Epako liukuesunga uti womuenyo,+

Kuenda una o vetiya vakuavo oku linga eci ciwa, o kuete olondunge.+

31 Nda okuti ukuesunga kilu lieve o yambuiwa,

Ondingaĩvi kuenda ukuakandu, va ka yambuiwa ca piãla.+