Isaya

Eye ka kasi ndomunu umue wa kemãla ale ndomunu umue ohuasi;+

Kuenda eci tu u vanja, eposo liaye ka li tu vetiya oku u* sola.

 3 Eye wa pembuiwa kuenda omanu vo yuvula,+

Wa kala ulume umue wa laikele oku kuata evalo kuenda wa kũlĩhĩle eci ci lomboloka oku vela.

 4 Ocili okuti, eye wambata ovovei etu,+

Kuenda wa tu sakula.+

 5 Pole, eye wa pondiwa+ omo liakandu etu;+

Eye wa nyanyuiwa omo liakulueya etu.+

Eye wa kangisiwa oco tu kuate ombembua,+

Kuenda omo liapute aye tua kayisiwa.+

 6 Vosi yetu tua enda oku tungayala ndolomeme via nyelela,+

Omunu lomunu wa enda lonjila yaye,

Kuenda Yehova wa lingisa okuti, akulueya etu a kupukila kokuaye.+

 7 Eye wa talisiwa ohali+ kuenda wa ecelela okuti o kangisiwa,+

Pole, eye ka yikuile omẽla waye.

Wambatiwa ndomeme ya loña kepondelo,+

Ndomeme yũhila kovaso ya vakuakuyipemũla,

Kuenda eye ka yikuile omẽla waye.+

 8 Omo liesombiso limue ka lia sungulukile* eye wambatiwa;

Kuenda helie o ka lisakalaisa lovina viatiamẽla kocitumbulukila caye? *

Momo eye wa tetiwa vofeka yava va kasi lomuenyo;+

Omo liakulueya omanu vange eye wa pondiwa.+

 9 Eye wa tambula ocitumãlo cimue coku kendamo pokati kolondingaĩvi,+

Kuenda eci eye a fa,+ wa kendiwa lohuasi,*

Ndaño okuti ka lingile cimue civĩ*

Kuenda vomẽla waye ka mua sangiwile elimbi.+

Nda ove o ka eca omuenyo waye ndocilumba cimue ceko,+

Eye o ka mola ocitumbulukila* caye, eye o ka vokiya oloneke viaye,+

Kuenda vokuaye mu ka lingiwa eci ci sanjuisa* Yehova.+

Pocakati cukũlĩhĩso waye, ukuesunga, ukuenje wange,+

O ka nena ekalo limue liesunga komanu valua,+

Kuenda eye o kambata akulueya avo.+

12 Omo liaco, ame ndi ka eca kokuaye onepa yimue pokati ka valua,

Kuenda eye o ka tepa ovina via pundiwa la vakuonene,

Momo wa eca omuenyo waye toke kolofa+

Kuenda wa tendiwa pokati ka vakuakandu;+

Eye wambata akandu omanu valua,+

Kuenda wa kala mitakati ya vakuakulueya.+