Olosamo

83 A Suku, ku kõhe;+

Ku kõhe* pamue oku talama loku tala, A Suku.

 2 Momo tala! Ovanyãli vove va kasi vonjuela;+

Vana va ku nyãle va litunula.*

 3 Latutu va sokiya vuyombeki oku linga eci cĩvi komanu vove;

Ovo va lingila usuanji omanu vana o sole.*

 4 Ovo vati: “Enjui, tu va kunduli ndofeka,+

Oco onduko ya Isareli ka yi ka ivalukiwe vali.”

 5 Ovo va lingila kumosi esokiyo limue;*

Loku linga ocisila cimue oco va liyake love,+

 6 Okuti, olombalaka via Edome kuenda via va Isameli, Moavi+ kuenda va Hagere,+

 7 Gevale kuenda Amoni+ la Amaleke,

O Filisiti+ kumue lolonungi vio ko Turo.+

 8 O Asuria+ ya likongelavo kokuavo;

Ovo va eca ekuatiso* komãla va Lote.+ (Sela)

 9 Linga lavo ndeci wa linga lo Midiane,+

Ndeci wa linga la Sisera kuenda Yavini volui* Kisone.+

10 Ovo va kunduiwa ko Endore;+

Va linga ndotulumu yo posi.

11 Olombuale viavo, vi lingisa ndeci Oreve kuenda Seve+

Kuenda asongui vavo ndeci Seva la Salimuna,+

12 Momo ovo va popia vati: “Tu piñali ofeka muna Suku a tunga.”

13 A Suku yange, ecelela okuti va kala ndovikũla via kukuta vi ambatiwa lofela,+

Ndovinene vi ambatiwa lofela.

14 Ndeci ondalu yi timĩha usenge,

Ndeci ulienge u timĩha olomunda,+

15 Va landula lehunguhungu liove+

Kuenda va yokokisa lofela yove yalua.+

16 Va kapa kutito,

Oco ovo va sande onduko yove, A Yehova.

17 Va kutisiwe osõi loku kuata usumba otembo ka yi pui;

Va sepuiwe loku kunduiwa;

18 Omanu va limbuke okuti ove, onduko yove Yehova,+

Ove lika wove Fũ kilu lieve liosi.+