Olosamo

72 A Suku, longisa soma eci catiamẽla kovisila viove,

Kuenda longisa omõla a soma esunga liove.+

 2 Eye a teyuile omanu vove lesunguluko,

Kuenda olosuke viove lesunga.+

 3 Olomunda vi tuale ombembua komanu,

Kuenda oviwulu vi tuale esunga.

 4 A teyuile* osuke pokati komanu,

A popele omãla vohukũi,

Kuenda a kundule ukuelimbi.+

 5 Omanu va ka ku sumbila osimbu kuli ekumbi

Kuenda osimbu osãi yamamako,

Kocitumbulukila locitumbulukila.+

 6 Eye o ka kala ndombela yi lokila kowangu wa tetiwa,

Ndombela yalua yi tapela ilu lieve.+

 7 Koloneke viaye ukuesunga o ka telẽha,*+

Kuenda ombembua yi ka kala kuosi+ toke eci ka ku kala vali osãi.

 8 Eye o ka viala oku upisa kokalunga toke kokalunga

Kuenda oku upisa Kolui* toke kasulilo o kilu lieve.+

 9 Olonungi vio vekalasoko vi ka kekamẽla kovaso aye,

Kuenda ovanyãli vaye va ka lesa oneketela.+

11 Olosoma viosi vi ka kekamẽla kovaso aye,

Kuenda olofeka viosi vi ko vumba.

12 Momo eye o ka yovola ohukũi yina yi kaluka oku pinga ekuatiso,

Kuenda o ka yovolavo osuke lomunu wosi ka kuete umue u kuatisa.

13 Eye o ka kuatela ohenda osuke lohukũi,

Kuenda o ka popela omuenyo wohukũi.

14 Eye o ka va yovola kohali kuenda kungangala,

Kuenje osonde yavo yi ka kuata esilivilo lialua kovaso aye.

Omanu vo likutilileko otembo yosi,

Kuenda vo sumũlũise eteke liosi.

16 Ku ka kala olomema vialua kilu lieve;+

Vi ka supoka kosungu yolomunda.

Ovapia a soma a ka ima apako alua ndo ko Levanone,+

Kuenda kalupale omanu va ka lua ndovikũla vio kilu lieve.+

17 Onduko yaye yi kale otembo ka yi pui,+

Kuenda oyo yamameko ndekumbi.

Omanu va kuate esumũlũho liavo muẽle mekonda liaye;+

Olofeka viosi viu tukule hati, wa sumũlũha.

18 Yehova Suku a sivayiwe, Suku ya Isareli,+

Eye lika o linga ovina vi komõhisa.+

19 Onduko yaye yulamba yi sivayiwe otembo ka yi pui,+

Kuenda ulamba waye u yukise ilu lieve liosi.+